Lere: Veteranus Bele Reklama Sira Nia Direitu, Labele Sobu Nasaun
Naunil Media (Díli), Xefí Estadu Maior General das Falintil Forsa Defeza Timor-Leste (F-FDTL) Tenente General Lere Anan Timur apela ba veteranus hotu atu reklama sira nia direitu naran katak labele sobu nasaun.
“Sira ho livre vontade ba funu atu ninia nasaun sai independente no ne’e mak ha’u apela ba veteranus sira reklama imi nia direitu naran katak labele sobu nasaun ba ho nia família nia di’ak ho tenke reklama no mós ba o nia aan nia di’ak ho tenke reklama ne’e ho nia direitu”, dehan Tenente General Lere Anan Timur ba jornalista sira hafoin enkontru ho Prezidenti Repúblika Francisco Guterres “Lú Olo” iha Palásiu Prezidensiál Nicolau Lobato Bairru Pite, Sexta (14/01/22).
Lere hatutan, Nu’udar sidadaun iha direitu no dever sira nia dever mak tenke servi estadu, hanesan mós nia serbí estadu tinan Haat nulu resin agora tenke defende fali direitu.
“Agora ha’u nia direitu atu pasa ba vida sivil ha’u serbí ona estadu, agora ha’u nia direitu ha’u pasa ba vida sivil, ohin loron hotu-hotu ko’alia lei ko’alia kona-bá estatutu ha’u kuandu halo funu ha’u lahalo rekerimentu ba ema ida, hanesan mós ha’u nia maluk sira ne’ebé balun sei moris, no mós sira ne’ebé mate ne’e lahalo rekerimentu ba ema ida tenke ba halo funu”, katak Lere.
Tenente General esplika, Tanba veteranus sira ne’ebé uluk ba halo funu ho sira nia vontade livre, no mós agora livre nafatin kuandu hakarak naran fatin ne’ebé nia tur ba ne’e labele mamuk.
Nia dehan, Ohin loron ema barak ko’alia kona-ba lei maibé ema rihun ba rihun ne’ebé mate durante tinan 24 nia laran lei laiha mak mate la’ós mate iha lei okos agora ema hotu-hotu mai ko’alia lei.
“Hakarak inpoin ba ha’u ho lei ha’u lasimu ha’u dehan katak ha’u nia dever ha’u kumpri ona ha’u nia direitu ha’u reklama naran katak ha’u nia reklamasaun direitu ne’e labele sobu nasaun ida ne’e mak importante”, Tenik nia.
Jornalista *Jos
Editór Lop
