Lú Olo: Prontu Sai PR Dala Ida Tan
Nauni Media (Dili), Aktual Prezidente da Republika (PR), Francisco Guterres “Lú Olo.” Prontu dala ida tan sai PR ba periodu tinan 2022-2027, bainhira povu fo fiar iha Eleisaun Prezidensial tinan ne’e.
“ Hau Francisco Guterres Lú Olo prontu dala ida tan, sai Prezidente Republika ba Timor Leste no povu tomak,” haktuir konvite ne’ebe Www.naunil.com. asesu, husi ekipa promosaun Lú Olo, Sabadu ne’e (15/01/2022).
Konvite ne’e mos konvida ema hotu atu asiste anunsiu kandidatura husi kandidatu Francisco Guterres Lú Olo, iha Ermera, Aban Domingu, loron 16 fulan Janeiru tinan 2022, ho oras tuku 10:00 dader.
Programa ne’ebe sei realiza iha serimonia ne’e mak hanesan simu kandidatu Francisco Guterres “Lú-Olo” hosi lia nain sira, reza, hino Nasional Patria Patria, minutu de silensia ou omenajen ba erois no martires patria, entrega pintura “Nicolau Lobato” hosi Macho Uatucho Art (entrega husi Jose Lobato), aprezentasaun lista proponentes hksi ekipa promosaun Lú-Olo no deklarasaun hosi kandidatu Francisco Guterres Lú-Olo.
Eleisaun prezidensial tinan ne’e fiksa iha loron 19 fulan Marsu tinan 2022, Tuir dekretu ne’ebe PR, Francisco Guterres Lú-Olo, Dekreta iha loron 15 fulan Fevereiru tinan 2022.
Data ne’e fo tempu loron 60 ba kandidatura sira ne’ebe durante ne’e preparadu hela, hodi kompete ba kargu Prezidente Republika Demokratiku Timor Leste (RDTL). Latu
