Espoza PR Vizita Pasiente Moras Dengue, Husu Inan Sira Kuidadu-Oan

Naunil Media (Díli), Espoza Prezidenti Repúblika Cidália Lopes Nobre Mouzinho Guterres Vizita pasiente moras Dengue ne’ebé baixa iha Sentru Saúde Vera Cruz (SSVC), husu inan sira kuidadu oan sira nia saúde.

Espoza Prezidenti Repúblika hato’o tiha hirak ne’e ba jornalista sira hafoin vizita ba labarik sira ne’ebé afeta moras Dengue iha Sentru Saúde Vera Cruz, Kuarta (19/01/22).

“Ohin ha’u mai vizita iha Sentru Saúde Vera Cruz, hamutuk ho ita nia ofisiál sira husi Polísia Nasionál Timor-Leste (PNTL), nian mak ami mai halo vizita ba fatin ida ne’e liga ho situasaun ita nia labarik sira ne’e barak liu mak Dengue, Inan ba nasaun ne’e mós husu liuliu ba inan aman mak tenke proteze labarik sira, fó han ho di’ak no halo meus hotu-hotu para iha uma ne’e labarik sira tenke forte nafatin, depois lori mai Hospital hodi hetan tratamentu, se inan aman mak dukur kois dalaruma buat ne’ebé ladún di’ak bele akontese”, Dehan esposa PR

Espoza PR hatutan,  Balun mak sira nia kondisaun kritis hela maibé grasas adeus, barak mak di’ak balun foin hahú ne’ebé akompaña orasaun hodi sira di’ak nafatin no fó fiar metin ba médiku sira atu kontinua sira nia servisu.

“Maibé ha’u hakarak hato’o katak grasas adeus fatin ida ne’e iha bele evakua ita nia alin no oan sira mai to’o iha ne’e, no ita mós rekoñese katak ita nia médiku no doutor sira ne’ebé mak halo atendementu di’ak tebe-tebes ba ita nia alin oan sira”, Katak nia.

Cidalia mós hateten, Família sira liuliu inan aman kuidadu oan sira, liu husi ai-han no mós igene nune’e labarik sira nia imunidade forte nafatin hodi reziste kulaker moras.

“Ha’u aproveita biban ida ne’e apelu mós ba família sira liuliu inan aman sira iha tempu kuidadu ita nia oan sira, iha uma liuliu husi ai-han nafatin no kuidadu mós sira nia igene atu nune’e labarik sira nia imunidade ne’e forte kuandu sira nia isin ne’e bele reziste moras hotu-hotu”, katak nia

Nia mós agradese ba médiku sira tomak ba sira nia esforsu ne’ebé mak sira hala’o atende alin oan sira, iha fatin ida ne’e no mós iha fatin sira seluk no mós  ministeiriu saúde akompaña nafatin ba situasaun ida ne’e, atu fó atensaun masimu di’ak liu tan ba iha fatin ida ne’e no mós iha fatin sira seluk.

Nune’e mós família pasiente moras Dengue ne’ebé baixa iha Sentru Saúde Vera Cruz, senti kontenti tanba Primeira Dama bele vizita labarik sira ne’ebé moras no hanesan inan nasaun ne’ebé fó atensaun makas ba labarik sira.

“Ha’u kontenti tebes tanba Primeira Dama mai vizita ami iha ne’e, no liuliu hatudu katak Primeira Dama fó atensaun loos ba labarik oan sira, ne’ebé hetan moras Dengue no ami hanesan senti kontenti Primeira Dama mai iha ne’e,” katak família pasiente Lizia Correia Cruz de Jesus.

Lizia hateten,  nia oan moras pozitivu Dengue to’o ohin bá loron neen (6) ona, tuir médiku sira nia esplikasaun katak moras ne’e ba loron neen (6) ona, entaun ba faze rekoperadu no durante sira baixa  iha Sentru Saúde Vera Cruz, médiku sira mós atende sira ho di’ak uza meus oioin atende labarik sira.

Nune’e mós tuir dadus katak iha Sentru Saúde Vera Cruz hahú kedas iha loron 5 fulan  Janeiru tinan 2022, konsege baixa moras liu atus rua resin ital pesoas no to’o horseik alta 204 pesoas agora dadaun iha hela 106 kazus baixa hela.

Jornalista *Jos

Editór Lop