MTCI-MF Asina akordu Iha Área Pekiza No Estatistika

Naunil Media (Díli), Minsteiriu Turizmu Komersiu No Industria (MTCI) realiza serimonia asina akordu tekniku entre Diresaun Jerál Koordenasaun Estatistika-Ministeriu Finansas no Diresaun Nasional Peskiza i Estatistika(DNPE- MTCI), kona-bá koordenasaun servisu iha área peskiza no estatistika.

Tuir Ministru Tuirizmu Komersiu no Industria(MTCI) Jose Lucas do Carmo Da Silva, Informa atu hamosu planu, desizaun polítika no intervensaun sira ligadu ba desnvolvimentu nasional tenki bazeia ba evidensia (dadus/informasaun atual sira).

“Ohin loron importante tebes iha diresaun jeral estatistika nian no buka atu servisu hamutuk ba oin fornese dadus no beke haforsa ka hakbiit kapasidade professional”, Dehan MTCI Jose Lucas ba jornalista iha salaun MTCI Mandarin, foin lalais ne’e.

Nia hatutan, Tan ne’e Diresaun Nasionál Peskiza e Estatistika ne’ebé hamahan an iha diresaun jerál kordenasaun administrasaun, finansas planeamento Ministerio do turimu, comersiu e industria.

“Tuir Lei organiku no 66/2129 ne’ebé difini nia reponsabilidade no kompetensia  atu promove koordena, deseña, Peskiza, no analiza dadus estatistika liu husi estudu kazu sira ne’ebe relasiona ho servisu turismu, komersio no industria i ikus difini zere Sistema informasaun ida integradu hodi responde ba pedidu ruma husi internal ministerio no mós esternal”, Katak nia.

Akordu  ne’e realiza ho objetivu atu melhoria servisu DNPE liu husi formasaun tekniku iha área Peskiza no Analiza dadus estatistika ba seitor turismu, komersiu no industria neebe maka sai hanesan xave ba dezenvolvimentu ekonómiku TL liu husi konttibuisaun ba kresimentu ekonomiku hodi bele hamenus pobreza, Dehan nia.

Tan ne’e MTCI ne’ebé simu dekretu lei organiku simu kna’ar hodi hala’o dezenvolvimentu iha setór produtivu turista sekundária,  sira hanesan turizmu komersiu nesesita no impotatante tebes atu iha kooperasaun ho intituisaun seluk tanba atu halo planu diak ida  presija dadus, Nia esplika.

“Informasoens hotu-hotu ne’ebé ita uza atu halo planu ita presija tebes informasaun sira ne’ebé klaru, tanba ne’e liu husi kooperasaun sira hanesan ne’e ita buka atu haforsa malu entre instituisaun”, Tenik nia.

Nia haktuir, MTCI durante ne’e ita iha diresaun jerál ne’ebé iha nia okos, iha mós diresaun nasional haat ho estatistika, maibé atu dehan sinseiru  katak iha diresaun sira ne’e seidauk halo nia funsaun maximu sei remota uitoan husi kualidade de dadus no sei remota uitoan husi dadus sira neebe sentralizadu iha ministeriu ida.

Importante tebes atu Ministeriu ne’e hamutuk ho ministeriu sira seluk ne’ebé  indentifika atu servisu hamutuk hodi fornese dadus.Tanba ne’e mak MF liu husi diresaun jeral estatistika  atu realiza servisu hamutuk ho koopersaun ne’e ba oin sira sei fornese dadus ba malu. Nia apresia.

“Iha koopersaun nee ita mos bele iha tranferensia kapasidade husi ministeiriu ida, ba ministeiriu seluk atu haforsa ka halo melloramentu iha fornesimentu dadus, tanba dadus nee rasik atu halo planu presiza los no bele halo planu nee ho di’ak”, Tenik nia.

Iha fatin hanesan Ministru Finansas(MF) Rui Augusto Gomes,  Hateten ho laran haksolok partisipa serimonia ne’e hodi sai sasin ba asina akordu entre Diresaun Nasionál estatistika DNE-MF no Diresaun Nasionál peskiza i Estatistika(DNPE).

“Tanba Akordu tekniku entre instituisaun rua nee importante tebes atu servisu hamutuk ho objetivu atu fornese dadus ne’ebe kredivel no publiku bele konfia no dadus sira nee atu bele foti desizaun ne’ebe diak prepara ba progrma aban bain rua nian”, Dehan nia.

Ha’u kontente tebes ho inisistiva ekipa rua  ne’e nian  ohin bele realiza akordu ne’e, ho akordu ne’e mós MF liu husi diresaun sei iha responsavel haat mak hanesan, sei apoiu formasaun tekniku iha asuntu apoiu no organiza dadus iha setor turizmu no seluk tan, Hakotu nia.

Jornalista LTS

Editór Lop