Prezidenti P-CNRT Xanana: Deside Loron Konferensia Hodi Hili Kandidatura PR
Naunil Media (Díli), Prezidenti Partido Congresso Reconstrução de Timor-Leste (P-CNRT), Kay Rala Xanana Gusmão, Deside ona loron konferensia nasionál extra-ordinaria partido CNRT hodi hili kandidatura ba prezidenti repúblika hodi kompete iha eleisaun prezidensiál ba tinan 2022/2027.
Sekretariadu komisaun organizadora konferensia nasionál exta-ordinaria partido CNRT, konvida koordenaór partido CNRT kada munisípiu 12 inklui Oe-Cusse, konferensia nasionál exta-ordinaria partido CNRT, ne’ebé mak sei realiza iha loron 23 fulan Janeiru tinan 2022, karta ne’e fó sai iha loron 17 fulan Janeiru tinan 2022, asuntu ne’e Naunil Media asesu iha loron kuarta (18/01).
Iha karta ne’e mós mensiona delegadus estrutura estrutura munisípais ema na’in 12 inklui konseleiru munisípiu, delegadus CDN munisípais ema na’in 2, delegadus estrutura postu administrative ema na’in 6 inkliu konseleiru postu administrativu, delegadus kada nurep ema na’in 2, kompostu husi koordenadór no sekretáriu.
Konferensa ne’e sei realiza iha loron Domingo 23, fulan Janeiru tinan 2022, fatin salaun Oca Rudal, Osindo I Díli. Oras 8 to’o remata. #Lop
