FEATUREDIkus LiuNewsPolitika

Armanda Deklara Kandidata PR, Povu Fó Fiar Lori Esperansa Ba-TL

Fahe Tutan

Naunil Media (Díli), Prezidente Kmanek Haburas Unidade Nasional Timor Oan (KHUNTO), Armanda Berta dos Santos, deklaran nia kandidata ba Prezidenti Repúblika (PR) períodu 2022-2027, povu fó fiar lori esperansa ba Timor-Leste.

“Ohin,ha’u Armanda Berta dos Santos hakarak hato’o ba públiku katak, kona-bá ha’u-nia kandidatura ba Prezidenti  Repúblika hodi compete eleisaun prezidensiál ba periodu 2022-2027, Se povu Timor-Leste fó fiar mai ha’u atu sai imi nia prezidenti, sei nakonu ho esperansa atu tau matan ba nasaun Timor-Leste ho di’ak,

Deklara Prezidenti  Partidu (KHUNTO) Armanda Berta dos Santos ba jornalista sira iha Salaun Esperansa da Pátria  Delta,  kinta (20/01).

Nia afirma, Ho aprezentasaun kandidatura ne’e bainhira liu iha eleisaun prezidensiál hakarak serbí povu tomak husi rai ulun to’o rai ikun.

“Ita hot-hotu agrdese ba Na’i Maromak fatuk ho rai, loron, tasi no ba lulik sira ne’ebé iha lisan hot-hotu iha Timor laran tomak hodi fó matak malirin mai ita hotu iha rai doben ida ne’e”, Katak nia.

Nia dehan, Bainhira ha’u sai Prezidenti Repúblika sei servisu hodi hametin unidade povu,  no tuir Konstitusionál Repúblika Demokrátika Timor-Leste nian,

Iha sorin hanesan Komseleiru Maximo partidu KHUNTO Jose dos Santos”Naimori Bucar” , Informa   desizaun Armanda Berta Do Santos kompete iha Eleisaun Prezidensiál, tanba mai husi desizaun estrutura partidu nian ne’ebá hakarak lori presidenti Partidu rasik, tuir komgresu nasionál deside nia hodi kompete iha eleisaun presidensiál tinan 2022/2027.

“Tanba ne’e mak dezisaun ida ne’e koletivu tebes husi estrutura sira hakarak lori duni Prezidenti Partidu hodi kompete”, Tenik Bucar.

  Naimori hatutan, Nia parte ho estrutura no militantes tomak sei apoiu tomak ba kandidatu ida ne’e hodi bele sai Prezidenti hodi servi ba povu no nasaun ida ne’e.

Líder Máximo KHUNTO ne’e garante sei lori Esperansa ba partidu wainhira povu tomak fó apoiu ba Kandidatura Armanda Berta Do Santos iha Eleisaun Prezidensial, Nia hakotu lia.

Jornalista Ana

Editór Lop

Leave a Reply

Your email address will not be published. Required fields are marked *