CNC Planu Dezenvolve Dezaminasaun Polítika Arkivu Istóriku
Naunil Media (Díli), Diretór Ezekutivu Centru Nasionál Chega (CNC) Hugo Maria Fernandes Informa, CNC planu atu dezenvolve dezaminasaun polítika arkivu istórikuiha CNC rasik.
“Objetivu workshop ida ne’e ita planeia halo dezaminasaun, kuaze tinan rua ita halo dezenvolve hela polítika arkivu CNC nian. Iha politika arkivu ne’e komponente sira konaba arkivu saida de’it mak iha CNC, ne’e kategoria arkivu ne’e mai husi ne’ebé”, Dehan Diretór Ezekutivu Hugo Maria Fernandes ba jornalista hafoin realiza workshop iha salaun CNC Balidi, sexta (21/01).
Tuir dekretu lei 48 CNC iha kompetensia atu rai arkivu sira ne’ebé mak uluk mai husi komisaun apoiante verdade rekonsiliasaun (CAVR) ne’ebé mak sira rai hahu husi 2001-2005, no mós iha arkivu ida husi komisaun amizade i verdade ne’ebé mak servisu husi 2005-2008, Dehan nia.
Hafoin CNC hamrik iha 2017 ita mós hetan arkivu barak, entaun iha ne’e konteudu arkivu ne’e husi instituisaun tolu hanesan, CAVR, CVA no CNC rasik. Husi arkivi sira ne’e ita simu husi entidade husi organizasaun rai laran no rai liur, entaun bazeia ba ninia lalaok sira ne’e hotu ita hahú uluk ho elabora polítika arkivu nisn, Nia haktuir.
“Polítika arkivu ne’e komponente importante mak oinsá mak halo Tratamentu ba arkivu sira ne’e, tanba arkivu balun tuan los ona ne’ebé iha kategoria balun husi audio, video no balun husi surat tahan”, Katak nia. LTS
