FEATUREDIkus LiuNewsSaude

Moras Lepra Númeru Aas Iha Munisípiu Baucau

Fahe Tutan

Naunil Media (Díli), Membru Board Misaun Lepra José de Araújo Verdial, Hateten kuaze iha Timor laran tomak munisípiu Baucau númeru moras Lepra aas tuir tan mak Díli, Manatuto no Oe-Cussi.

“Iha ita nia husi munisípiu kazu foun ne’e Munisípiu ne’ebé mak nia númeru iha Timor laran tomak,  iha tinan 2020 ne’e hamutuk 122 nia sae makas ne’e iha tinan 2015 no husi sira ne’e Munisípiu ne’ebé mak aas liu ne’e Baucau, Dili, Manatuto no Oekussi”, dehan membru Board Misaun Lepra José de Araújo Verdial ba jornalista sira hafoin   enkontru ho Espoza Prezidenti Repúblika Cidalia Lopez Nobre Mouzinho Guterres iha Palásiu Prezidensiál Nicolau Lobato Bairru Pite, Sexta (21/01).

Membru Board Misaun Lepra ne’e hatutan,  Afinál ema hanoin katak moras Lepra ne’e moras ne’ebé mak malisan, maibé moras ida ne’e hanesan mós moras adaet maibé nia lanaran adaet nia adaet wainhira ema nia imunidade tun no nia tempu adaet ne’e presiza tempu, fulan ne’en to’o tinan rua mak bele adaet.

Tanba ne’e mak misaun Lepra husu tulun ba Espoza Prezidenti Repúblika atu bele halo sosializasaun, nune’e maluk sira ne’ebé mak afeta ba moras Lepra ne’e bele ses aan husi stigma sosiál, ne’ebé iha no mós bele hakbesik aan ba sentru saúde halo tratamentu sedu, Dehan nia.

“Medida ne’ebé mak presiza halo mak wainhira iha sinais sira hanesan Hena mutin ne’e presiza hakbesik aan ba sentru saúde, atu bele halo teste se kuandu detekta sedu bele hetan tratamentu sedu no bele kura moras Lepra ne’e”, Katak nia.

Iha enkontru ne’e Espoza Prezidenti Repúblika mós fó hanoin ba sira katak bele enkaixa mós sensibilizasaun ne’e iha aktividade Espoza Prezidente Repúblika nian.

Jornalista *Jos

Editór Lop

Leave a Reply

Your email address will not be published. Required fields are marked *