PR “Lú Olo” Husu Artista No Pintor Kontinua Promove Arte Ba-Mundu
Naunil Media (Díli), Prezidenti Repúblika (PR) Francisco Guterres “Lú Olo”, Husu ba artista no Pintor Timor-oan sira atu kontinua promove talenta nune’e bele lori arte ba mundu internasionál.
“Entaun Mensajen prinsipál ne’ebé mak ohin ita nia Prezidente Repúblika fó mak kontinua nafatin talenta ne’ebé mak iha atu nune’e promove ita nia artes ne’e ba mundu internasionál,” dehan Pintor Timor oan husi Matco Uatcho Arte Martinho Soares ba jornalista sira hafoin enkontru ho Prezidenti Repúblika Francisco Guterres Lú Olo iha Palásiu Prezidensiál Nicolau Lobato Bairru Pite, Sexta (21/01).
Pintor Timor oan ne’e hatutan,Ohin mai hasoru Prezidenti Repúblika ko’alia kona-bá artes nian ne’ebé mak iha loron hirak liu ba sira husi grupu Matcho Arte oferese Pinturas saudozu Nicolau Lobato nian ba Prezidente Repúblika.
Nuudar apresiasaun aas tebes ba Prezidenti Repúblika, tanba durante tinan 5 tomak to’o agora kuidadu ona nasaun Timor-Leste no lori nasaun ba situasaun hakmatek hanesan prinsipiu Saudozu Nicolau Lobato nian, Dehan nia.
Tanba ne’e ohin objetu ida mak mai hasoru hasoru Prezidente Repúblika atu fo parabens hanesan artista Timor oan ba Prezidente Repúblika.
Iha enkontru ne’e Prezidenti Repúblika mós fó Mensajen liuliu ba artes Timor oan atu mantein nafatin artes no kuidadu nafatin artes tanba Prezidente Repúblika mós ema artes no kompozitor ida.
Jornalista *Jos
Editór Lop
