ANPM Desiminasaun Informasaun Lei Kodigu Mineiros Ba Ezplorassun Atividades Minerais

Naunil Media (Díli), Autoridade Nasionál Petroleu Minerais (ANPM) hanesan kompania nasionál ida iha Timor-Leste ne’ebé hala’o  servisu atu halo identifikasaun ba rekursu minerais  iha rai maran no tasi laran, iha Timor-Leste hodi halo perfurasaun ba minerais.

Tuir Prezidente Autoridade Nasionál Petroleu Minerais (ANPM) Florentino Soares hatete, Atividade  Lei desiminasaun ne’e, tanba hetan aprovasaun iha Parlamentu Nasionál ho unamidade iha tinan kotuk imediatamente husi Prezidente Republika rasik.

“Halo desiminasaun ne’e ba lei no.12/2021 ho kodigu mineiru, partisipantes sira husi autoridade lokal munisípiu Díli, partidus polítikus no sosiedade sivil sira”, Dehan Prezidente Autoridade Nasionál Petroleu Minerais (ANPM) Florentino Soares ba jornalista sira  iha Timor Plaza Suai Room, segunda (24/01).

Nia haktuir, Lei ne’e nia objetivu atu fó efeitu ba ezplorasaun no supletasaun atividade minerais, ba kodigu mineiros ne’ebé mak Timor-Leste iha.

“Timor-Leste iha tipu Minerais husi kedas Minerais metalika, minerais naun metalika, minerais estratejiku sira hanesan terra estrada, radio, ita nian bele konsidera lei inan no atividade ezplorasaun Minerais sira, ” Nia relata.

Nune’e Lei n’ee  vigór iha loron 01 Janeiru hodi fó oportunidade ba ema hotu emprejariu lokais no nasionais.

Ne’e hanesan potensialidade teória ba emprejariu hodi dezenvolve Minerais ne’ebé mak iha, atu absolutu dezenvolvimento minerais sei fó oportunidade traballu no rendimentu ba emprezariu, tantu iha governu nia reseita iha tempu naruk, tanba Timor dependente liu ba fundu petroleo, Dehan nia.

“Lei nia vantajen atu haree liu oinsa esplorasaun husi ezploritasaun mineiros ne’ebé mak iha, sei reseitas ba estadu tanba ne’e sei fó mós oportunidade serbisu ba komunidade no ema barak bele hetan oportunidade atu dezenvolve sira nia moris,  ba emprejariu hodi haree potensialidade Minerais sira ne’ebe mak bele explora”, Katak nia.

Diploma ministerial númeru 64°, ne’e foka liu ba esplorasaun Minerais, maibé halai liu ba materia konstrusaun,hanesan fatuk rai henek, Hatete nia.

“Ha’u sente ida ne’e lori esperansa povu Timor Leste nian tomak, tanba iha tempu pasadu ita iha dezenvolvimentu mineiros sira hanesan marmer iha Manatuto, iha tempu naruk nia laran ita bele dezenvolve”,  Nia hakotu.

Jornalista LTS

Editó Lop