Apoia Ramos Ba PR, Xanana Enkoraza PATIFOR Esforsu Nafatin Sai Partidu Legál
Naunil Media Díli- Prezidente Partidu Promovidu Timor Forte (PATIFOR), Grigório Saldanha deklara, Partisipa Kongressu Partidu Congreço Nasionál Reconstrução Timorense (CNRT-Sigla portugues) hanesan konvidadu, Maibé apoia José Ramos Horta ba Prezidente da Republika periodu 2022-2017.
“ Ohin hau mai partisipa kongressu CNRT ne’e hanesan konvidadu, Maibé sei luta nafatin hamutuk ho Partidu CNRT apoia José Ramos Horta ba tu’ur iha kadeira Prezidente da Republika (PR) iha Palasiu Prezidente Aitarak laran.” Dehan Prezidente PATIFOR Grigório Saldanha “Mouris”, Iha nia intervensaun hafoin partisia kongressu nasionál CNRT, Iha Salaun Rukal, Domingo, (23/01).
Maske dadaun ne’e PATIFOR sempre esforsu nafatin maibé to’o agora seida’uk hetan legalidade nu’udar partidu legal ida ihaTimor-Leste.
“ Maibe Ami iha ona passu haka’at ba oin ona,Tanba la’o hamutuk ho Partidu legál CNRT, PATIFOR sei esforsu no servisu hamutuk nafatin ho partidu CNRT lori Ramos Horta ba PR periodu 2022-2027. Sei luta humutuk nafatin ho partidu CNRT iha Eleisaun Parlamentar.
Iha fatin hanesan Prezidente Partidu CNRT Xanana Gusmão, Haktuir, Ita agora hamutuk lori Ramos Horta ba PR iha periodu 2022-2027.
“ Ami rona ona Partidu seida’uk iha aseitasaun, La’os katak taka dalan tanba ne’e hadi’a nafatin tau iha imi nia hanoin katan saida mak sei halo ba nasaun doben Timor-Leste (TL), Maibé ita agora hamutuk hodi lori Ramos Horta ba oin.” Responde Xanana Gusmão Nu’udar Prezidente Partidu CNRT.
Antes ne’e, Komesa hosi tinan 2020-2021 PATIFOR esforsu nafatin rejistu legálmente atu sai partidu legál ida TL, Máibe la konsege iha 2020, No ikus mais deside hodi la’o hamutuk ho partidu partidu legál CNRT. Nia hakotu.
Entertantu, Partidu CNRT realiza konferensia hili ex PR Ramos Horta, Kompete iha Eleisaun Prezidensiál ba peridodu tinan lima.
Partisipa iha kongressu ne’e delegadu hosi munisipál sira inklui Rejiaun Espesiál Oe-Cusse Ambeno (RAEOA). Nune’e mós militantes partidu CNRT iha Kapital Díli. Ana/Flo
