MNEK Adalsiza: Cambodia Komprimisiu TL Posivel Sai Membru ASEAN
Naunil Media (Díli), Ministeriu Negósiu Estranjeiru no Koperasaun (MNEK sigla portugés) Adalsiza Magno, Hateten Cambodia iha prioridade no komprimisiu mak Timor-Leste (TL) posivel sai membru Association of South East Asian Nations (ASEAN).
“Ba Cambodia agora tanba ita hotu hatene katak, Cambodia mak agora kaer Prezidensiá rotativu ba ASEAN nian, entaun sira fundus komprimisiu ba prioridade ne’ebé mak sira iha, mak sira hakarak se bele no sira hotu-hotu esforsu aan para durante sira nia Prezidensiá se posivel Timor-Leste sai membru plenu direitu ba ASEAN nian,” dehan MNEK Adalsiza Magno ba jornalista sira hafoin remata enkontru ho Prezidente Repúblika (PR) Francisco Guterres “Lú Olo” iha Palásiu Prezidensiál Nicolau Lobato Bairru Pite, Tersa (25/01).
MNEK hatutan, Ba Cambodia tanba atu ko’alia kona-bá tempu no roteiru ne’ebé mak sira promete ona, iha sira nia cimeira liu ba katak depois situasaun premiti sira haruka para halo tiha pilar sosiu kulturál no pilar sosiu Ekonómiku nian.
Adalsiza hateten, Sira bele prepara roteiru depois mós ho kalendariu, tempu bainhira mak TL tenke prepara aan para sai membru ASEAN loos, tanba ne’e mak ba para sira ko’alia husu sira saida mak TL, bele halo para ajuda Cambodia bele aselera lalais prosesu ne’e.
Nia dehan, Antes ne’e mós hasoru ona Primeiru Ministru para husu orientasaun, no mós ohin nia mai fali ko’alia Prezidente Repúblika, para bele karik iha lia menon ruma para nia bele ba ko’alia ho Chefe Guvernu Cambodia nian.
Mensajen saida mak nia simu husi Prezidente Repúblika, nia labele dehan lai tanba nia tenke dehan lai ba Nain mak sei dehan ba sai ba públiku, dehan nia.
Jornalista Jos
Editór Lop
