SEFPOPE Haruka Tan Traballador Timor-oan Na’in 17 Ba Austrália
Naunil Media (Díli), Sekretáriu Estadu Formasaun Profesional Empregu (SEFPOPE sigla portugés) liu husi Diresaun Nasionál Empregu Exterior (DNEE) prepara traballador Timor-oan hamutuk ema na’in 17 sei aranka ba servisu iha Austrália iha fulan ne’e.
Tuir Diretór Jerál DNEE Filomeno Soares Informa, Kompostu husi traballador emai na’in 17 ne’e sei ba servisu iha Austrália, no sira ne’e sei fahe ba kompania rua mak hanesan kompania Burlintan ho kompania Tasmanya.
“Depois de Covid-19 ohin pela primeira vez akontese Austrália komesa bok an fali ona no hahú loke ona odamatan ona ba ita, no hahú foti ita nia traballador atu ba servisu”. Dehan DG DNEE Filomeno Soares ba jornalista hafoin halo despedida no asina deklarasaun ho família husi traballador iha salaun DNEE Becora, Segunda (24/01).
DG DNEE haktuir, Traballador ne’ebé mak atu aranka ba servisu iha Austrália, ne’e iha traballador foun hamutuk na’in lima no na’in 12 hetan tan oportunidade ba dala rua nian.
Iha fatin hanesan reprezentante traballador sesonal worcker programa (SWP) Adriano Coreia katak, ha’u traballador tuan ne’ebé hetan oportunidade dala ida tan, tanba patraun haruka fali ha’u nia naran mai entaun iha oportunidade ida ne’e ha’u mai fali iha SEFPOPE atu tuir fali programa SWP ne’e ba servisu fila fali iha Austrália.
Enkuantu traballador hirak ne’e sei grupu ida aranka iha loron 26 fulan Janeiru, no grupu ida seluk sei aranka iha loron 6 fulan Fevereiru tinan ne’e.
Jornalista LTS
Editór Lop
