Aba Konsellu Superior Defeza Seguransa Diskuti Karta Reforma Lere

Naunil Média (Díli), Aban loron Kinta 27/01/2022 sei iha reuniaun Konsellu Superior Defeza Seguransa (KSDS) hodi haree kona-ba karta reforma husi Tenente General Lere Anan Timur nian ne’ebé antes Konsellu Ministru haruka ona mai Prezidenti Repúblika (PR) Francisco Guterres “Lú Olo”.

Xefí Estadu Maior General das Falintil Forsa Defeza Timor-Leste F-FDTL Tenente General Lere Anan Timur hato’o lia hirak ne’e ba jornalista sira hafoin enkontru ho Prezidenti Repúblika Francisco Guterres Lú Olo iha Palásiu Prezidensiál Nicolau Lobato Bairru Pite, Kuarta, (26/01).

“Ha’u hanoin kona-bá ida ne’e imi mós hatene ona, aban reuniaun Konsellu Superior Defeza Seguransa mak haree,  kona-bá ha’u nia reforma ka ha’u nia rejignasaun ka nomeasaun ka ezonerasaun, hotu-hotu kompetensia Prezidenti Repúblika nian”,  dehan Tenente General Lere Anan Timur.

Tenente General hatutan, Prezidenti Repúblika tenke liu husi mekanizmu to’o ezonerasaun nomeasaun foun. iha prosesu ida ke naruk, prosesu naruk ne’e la’o hotu ona Konsellu Superior Militár konsellu Ministru mai to’o Prezidenti Repúblika nia meza.

Lere hateten, Xefí estadu mak iha kompetensia ezonera ou nomeia, alta xefia maibé ikus Konsellu Superior Defeza Seguransa sei diskuti, tanba ne’e aban mak sei haree kona-bá nia karta reforma ne’e rasik.

“Prezidenti Repúblika mak iha kompetensia hodi ezonera no nomeia alta xefia, mas ultimu Konsellu Superior Defeza Seguransa entaun iha reuniaun mak foin diskuti kona-bá, ezonera se nomeia se ha’u nia rejignasaun ka ha’u nia reforma aban mak haree iha ne’ebá”, katak Lere.

Tuir Lere katak Prezidenti  Repúblika la’ós ema seluk irmaun no kompaneru “Lú Olo”, Primeiru Ministru mós la’ós ema seluk irmaun no kompaneru Taur Matan Ruak ne’e lahusik malu.

“Saida mak kesi ami hamutuk ne’e lá’os osan no la’ós riku soin ran, ho isin mak kesi ami hamutuk  nia hatene katak ha’u nia todan husi ne’ebé, ne’e nia hatene ha’u hatene nia todan iha ne’ebé ha’u hatene ami sira ne’e ema iha li’ur dehan ami fahe malu maibé ami nunka fahe malu,” Lere haktuir

Nia dehan, Uluk sira jura ona no kompromete ona katak jura ho ran isin katak mate hamutuk, moris hamutuk maibé destinu naruk, soldadu no komandante rihun ba rihun ne’ebé mate sei iha dalan, tanba ne’e sira nain hira ne’ebé mak mai ne’e sira atu soe malu ne’e lulik ba sira.

Jornalista Jos

Editór Lop