Lere: Deskonfia UPM Baku Mate Sidadaun Iha Suai Ne’e Krime
Naunil Media (Díli), Xefí Estadu Maior General das Falintil Forsa Defeza Timor-Leste (F-FDTL) Tenente General hateten Unidade Polísia Maritima (UPM), ne’ebé Deskonfia baku mate sidadaun ida iha Suai ne’e Krime.
” Polísia Miritima baku mate ne’e husu tuir tanba saida dala ruma nia lakomte krime, mós iha biar nia mate ona mós nia komete krime mas ita nia lei ne’e dehan katak sé mak oho ema ne’e krime, mas iha lei sira dehan auto defeza buat sira ne’e”, dehan Tenente General Lere Anan Timur ba jornalista sira hafoin enkontru ho Prezidenti Repúblika Francisco Guterres “Lú Olo” iha Palásiu Prezidensiál Nicolau Lobato Bairru Pite, Kuarta, (26/01).
Tenente General hatutan, Krime ne’e agora tribunal justisa lei mak tenke regula, no haree se dehan baku mate tanba saida mak baku mate ne’e krime.
Nia dehan, Baku ema tenke responsabiliza hanesan iha Kuluhun ne’ebé Polísia tiru mate sidadaun sira, la’ós ema ida mak kaer ema seluk nia vida, maibé destinu ne’e Maromak mak kaer ema nia destinu.
“Se nia baku mate nia responsabiliza hanesan iha Kuluhun kuandu Polísia na’in rua tiru mate na’in tolu ka na’in haat nia responsabiliza, tanba la’ós ema nia vida ne’e no kaer ema nia destinu, só Maromak mak kaer ita nia destinu”, katak Nia.
Antes ne’e iha loron Domingo 23 Janeiru mais ou menus tuku haat (4:00) madrugada mosu akontesementu ida ne’ebé akontese iha Munisípiu Covalima, Postu administrativu Suai vila Suku Suai Loro, Aldeia Loro ne’ebé Deskonfia Polísia Nasionál Timor-Leste PNTL husi Unidade Polísia Maritima UPM na’in neen (6) baku vitima Julio Amaral to’o mate fatin.Jos
