Lere Fó Parabéns Ba Ramos, Ne’ebé Hetan Konfiansa Husi Xanana

Naunil Media (Díli),  Xefi Estadu Maior General das Falintil Forsa Defeza Timor-Leste (F-FDTL) Tenente General Lere Anan Timur, Fó parabens ba José Ramos Horta ne’ebé hetan konfiansa husi Líder Karismatiku Xanana Gusmão.

“Primeiru ha’u fo ha’u nia parabens ba maun José Manuel Ramos Horta, no furak kuandu manu aman rua hatudu oin iha ne’e bá mas furak liu tan, pelumenus ami nia líder sira ne’ebé ke lori funu ne’e ba ukun aan ne’e kompletu karik, ha’u dehan furak teb-tebes,” dehan Tenente General Lere Anan Timur ba jornalista sira hafoin enkontru ho Prezidenti Repúblika Francisco Guterres “Lú Olo” iha Palásiu Prezidensiál Nicolau Lobato Bairru Pite, Kuarta (26/01/).

Tenente General hatutan, líder sira hanesan Xanana, José Ramos Horta, Marí Alkatiri hamutuk mak sira seluk iha tan kotuk ne’e furak duni ba Timor no Timor sei la’o ba oin

“Mak ha’u nia maun bo’ot Xanana, ha’u nia maun bo’ot Ramos Horta, no ha’u nia maun bo’ot Marí no depois mak ami sira ne’e hamri’ik iha kotuk, ne’e hanoin furak teb-tebes ba rai Timor no kaundu ami mak hanesan ne’e imi lalika laran taridu, Timor sei la’o ba oin nafatin”, katak Tenente General.

Lere hateten,  Timor-Leste riku hanesan baibain dehan katak ukun ne’e ladifisil no atu sai Prezidenti Repúblika ka atu sai saida la difisil ida naran katak hamutuk, hamutuk ne’e buat hotu-hotu sai di’ak

LAT esplika, Agora falta fronteira rai maran no tasi ho Indonézia, ida ne’e presiza involvementu líder hotu-hotu liuliu líder nasionál, líder sira ne’ebé uluk konsidera hanesan maun mak hanesan maun Xanana, maun Ramos Horta, maun Marí,  no sira seluk ne’e tanba Jeneral sira ne’ebé uluk mai funu iha Timor ne’e sira sei moris.

Nia dehan,  fó parabens ba maun Ramos Horta no ba maun Xanana ne’ebé fó konfiansa ba maun Ramos Horta, ladún furak bainhira líder sira seluk ne’ebé ke uluk sira hamutuk trasa nasaun nia destinu ohin lahamutuk no pelumenus liuliu veteranu sira.

Jornalista Jos