FEATUREDIkus LiuNewsSaude

Prezidente PN Vizita HNGV, Preparasaun Urizente Prevensaun Dengue

Fahe Tutan

Naunil Midia (Dili), Prezidente Párlamentu Nasional, (PN), Aniceto Longuinho Guterres Lopes, Ne’ebé akompaña hosi komisaun B PN ne’ebé trata asuntu saúde ho nia komitiva halo vizita ba Hospital Nasionál Guidu Valedares (HNGV) hodi halo verifikasaun li-liu ba preparasaun urijente planu prevensaun moras dengue.

 “Ami mai halo visita surpreza ida atu verifika de’it sirkulasaun ne’e nia gravidade ne’e oinsa hanesan preparasaun ida ba debate urgente iha seguda-Feira iha PN hakarak rona Ministra Saude, Odete Maria Freitas Belo kona-ba planu prevensaun ho imitigasaun la’o halo oinsa tanba númeru kada vez aumenta ba bebeik,” Dehan Prezidente PN, Anicetu Guterres, ba jornalista sira, Iha HNGV,Tersa,(25/01).

Prezidente akesenta, akompaña sirkulasaun denge tuir informasaun iha fulan Novembru 2021 moras dengue númeru intensidade aumenta, Nune’e parte relevante tenke toma medida hodi asegura vida komunidade nian.

“ Ha’u fixa tiha ona ajenda debate urgente ho governu no antes entidades relevante tanba ne’e la’os ko’alia ba imetigasauan de’it maibe mos ba prevensaun tanba ne’e importante liu,” hAktuir Prezidente PN.

Iha Munísipiu Díli nafatin rejista kazu dengue ne’ebé a’as iha primeira semana ho quinta semana. Iha tinan 2022, Moras dengue ho total hamutuk 570.

Nune’e kazu moras dengue iha Munísipiu sira seluk hanesan, Ermera 63, Manatuto 57,  Manufihi 39, Baucau 32, Covalima 30. Bobonaro 20, Aíleu 8, Ainaro ho kazu 6, Municipio Liquica kazu 6, Viqueque 4.

Total jerál kazu moras dengue iha Munísipiu 11, Iha loron (24/01/2022) hamutuk 835 ho kazu akumulativu obitus nain 16. Ana 

Leave a Reply

Your email address will not be published. Required fields are marked *