Tanba Regulamentu “Lere” La partisipa Reuniaun KSDS, La’os Halai Sai
Reuniaun KSDS Ho Prezidente Republika, Francisco Guterres Lu-Olo
Naunil Média (Díli), Tanba regulamentu Reuniaun Konselhu Superior Defeza e Seguransa (KSDS), Xefe Estadu Maior Falintil-Forsa Defeza de Timor-Leste (F-FDTL), Tenente Jenerál, Tito da Costa “Lere Anan Timur” labele partisipa iha reuniaun ba karta reformasaun no nomeasaun.
Tanba asuntu trata kona-ba enzenorasaun liga li-liu ba Tenete Jenerál, Lere Anan Timur, Tuir regras promosaun nian tenke la’o tuir.
” Tuir regras kuandu diskuti atu Promove kategoria ida, Ba membru militár iha kategoria ida atu diskuti nia assuntu promove nia ka? Labele promove nia ema hot-hotu ne’ebé atu fo nia hanoin ho livre no seguru presiza ema ida be atu promove ne’e labele prezente.” Dehan Xefe, Kaza Militár Coronél, António Soares da Silva “Maukalu” Ba Jornalista sira iha Palásiu Prezidensiál Bairru Pite, Kinta, (27/01/22).
Tanba tuir regras promosaun nian ne’e iha regra ida ne’ebé regula atu tenke la’o tuir nafatin.
” Tanba ne’e mak ezonerasaun no promosaun kona-ba Xefe Estadu Maior General F-FDTL nian ne’e asuntu ne’e liga ba General ne’e mak aprezenta nia reforma ba Governu, Governu nia obrigasaun halo reuniaun iha Konselhu Ministru (KM), Entaun aprezenta proposta ezonerasaun Tenente General Lere Anan Timur, nian mai iha ne’e,” Tenik Xefi Casa Militár.
Nia haktuir, Kuandu atu diskuti kona-ba General nian regula atu labele partisipa, Tanba ne’e mak Jenerál Lere sai tiha ba liur.
” Membru KSDS, ne’ebé hela iha laran ne’e sira esplika tiha situasaun ne’e ida-idak mós fo hanoin pozitivu ne’ebé sira fo tuir sira nia sentimentu no sira membru KSDS nia funsaun mak hanesan orgaun konsulta Prezidente Repúblika (PR), Francisco Guterres Lú-Olo nian,” Haktuir nia.
Orgaun konsulta ne’e lá’os desizaun sira nian, Maibe sira mai para atu bele anliza estuda kona-ba assuntu saida mak trata depois fo hanoin, Entaun PR husu reuniaun ida ne’e hodi sira fó sira nia hanoin ba malu.
Kona-na desizaun seidauk bele iha tanba PR husu tiha hanoin tenke hela ba nia depois ba estudu no analiza foin fo sai.
Tanba ne’e mak hanesan reuniaun ohin ne’e di’ak pozitivu, maibé hein rezultadu saida de’it mak Prezidente Repúblika fo sai.*Jos
