Akara Vizita RCL Rona Direitamente Preokupasaun Jornalista
Naunil Média (Lautém), Sekretariu Estadu Komunikasaun Sosiál (SECOMS), Merício Juvinal dos Reis “AKARA” Sexta Feira ne’e, hala’o vizita servisu ba Radiu Cokunidade Lospalos (RCL), Hodi rona direitamente preokupasaun kondisaun Jornalsita sira nian.
Akara kongratula jornalista RCL sira tanba bele jere progressu la’o di’ak nafatin maske iha infrenta difikuldade.
” Hau Kongratula Jornalista ho jerente RCL maske hasoru difikuldade no limitasaun oi-oin maibe kontinua komitmentu nafatin hodi divulva informasaun pozitivu ba komunidade sira,” Dehan Merício Akara, ba www.naunil.com. iha estasaun RCL, Sexta, (28/01).
Nune’e mós prosesu servisu sira nian atu halo dialogu kona-ba obstakulu ne’ebé sira infrenta durante ne’e, Oinsa SEKOMS halo planu ba dezemvolvimentu RCL nia iha futuru.
Governante ne’e haktuir, Bazea ba observasaun SECOMS nian, Kuaze Radiu Comunidade sira iha Teritoriu Timor-Leste (TL), nian preokupasaun no difikuldades sira hanesan de’it li-liu ba infraestrutura ekipamentus inklui transporte.
” Tanba tinan kotuk kuandu hau vizita Radio Mauloko, Maubisse, Ainaru, Suai, hau nota kuaze difikuldades sira hanesan de’it progresu barak mak ita tenke appresi entermus de konteudu servisu di’ak, Tanba balun tinan ida konsege produs notisia 700, Maibe difikuldade klasik ne’ebé enfrenta hanesan de’it.” Haktuir “Akara”
Iha Sorin Seluk Gestor RCL, Nascimentu Provincial, Informa , Difikuldades no limitasaun ne’ebe durante ne’e infrenta mak hanesan, Rekursu Umanus, Fiansiamentu no Fasilidades, Maibé ida ne’e la signifika hamate votande Jornalista sira nian hodi divulga informasaun ba komunidade sira.
SECOMS husu Ba Radio Komuniadade sira iha Teritoriu TL atu kontinua servisu ho imparsial hodi divulga informasaun ho los no lolos no kredivel ba públiku maske hasoru difikuldade sira.#ZE
