Estabelese Sentru Votasaun Tolu, Sidadaun Hosi Munisipiu Bele Vota iha Dili
Naunil Média (Díli), Komisaun Nasionál Eleisoens (CNE-Sigla portugues), ho Sekretariu Tekniku Adminitrasaun Eleitorál (STAE), Sei estabelese sentru votasaun paralelu Tolu (3) iha Munisípiu Díli. Kompostu hosi, Oeste, Leste no Sentrál.
Prezidente CNE, José Belo, Hateten, Sentru votasaun paralelu tolu ne’ebé estabelese atendimentu ba sidadaun no estudantes sira ne’ebé mai hosi Munisípiu sira, Nune’e mos ba maluk sira ne’ebé hein moras oiha Hospital sira kapitál Díli.
” Iha tempu Eleisaun iha posibilidade sira atu labele fila ba sira nia fatin tanba kestaun transporte, no hare’e mós espekta ekonomia ne’ebé todan ba sira entaun lei ne’e fo solusaun ba sira atu bele rezistu iha Dili, Li-liu iha fatin sira ne’ebé CNE ho STAE prepara ona”. Dehan Prezidente CNE, José Belo, Ba jornalista iha salaun CNE, Sexta, (28/01)
Nia haktuir, Atu fasilita sidadaun sira ne’ebé mai hosi Munisipiu lalika ba fali Munisípiu, Li-liu atu evita asidente sira ne’ebé mosu iha tinan hirak liu ba ita bele
” Ida ne’e mak iha pontu importante tanba tenki liu hosi Xefe suku ho Xefe aldeia sira, li-liu ko’operasaun ho reitor hosi universidade sira, tanba sira estudante barak ne’ebé iha ne’e, atu fo informasaun klaru atu nune’e para rezistu.” Rekomenda Prezidente CNE.
Nia esplika, Rejistu ne’e durasaun ba loron 15 de’it, Depois STAE ho CNE hato’o komforme ba sira hola desizaun atu fo votu iha Dili ka ba Munisípiu.
Iha sorin seluk Diretor Gerál STAE Acilino Manuel Branco, Afirma, Iha kapital Díli sei implementa prosesu foun.
” Ohin ita konvida entidades relevantes sira, li-liu iha kapitál Dili ne’ebé mak ita sei implementa prosesu ida foun iha ita nia istória prosesu Eleisaun nian mak sei implementa votasaun iha sentru votasaun paralelu.” Dehan Acilino.
Implementasaun sentru votasaun paralelu ne’e nia mekanismu sei involve entidades relevantes sira oi-oin hanesan Komisaun Funsaun Públika (KFP), Ministeriu Edukasaun Juventude no Desportu (MEJD), Unmiversitaiu sira ho Xefe do Suku sira.
Atu oinsá bele garantia implementasaun sentru votasaun paralelu ne’e ho susesu. Persija halo sosializasaun apoiu orgaun eleitoral sira, Nune’e eleitores sira ne’ebé mak aban bainrua sei ezerse sira nia direitu de votu iha sentru votasaun paralelu ne’e, bele komprende nia mekanismu.
Enkuantu totál sentru votasaun iha teritóriu Nasionál hamutuk 1.191. LTS
