Pasiente Denge Nain-Rua Toba Kama Ida, Seluk Toba De’it Koredór HNGV

Naunil Média (Díli), Loro-loron moras denge aumenta ba be-beik iha Hospital Nasionál Guidu Valedares (HNGV), fatin la sufisiente ona ba pasiente sira.

Familia Pasiente Moras Denge Martino Soares, hateten, Iha HNGV ekipamentus minimu tebes tanba realidade hatudu momos pasiente denge nain rua toba iha kama ida no seluk toba de’it iha aredór Hospoitál.

” Nune’e mós iha parte ekipamentus nian ita hare’e ho matan iha kama ida iha pasiente nain rua, Nune’e mós pasiente balun toba de’it iha kadeira iha koredór Hospitál nian, Ida ne’e ita ko’alia kona-ba higene nian ne’e iha ne’ebé,” Dehan Familia Pasinte Moras Denge Martino Soares, Ba Estudante Komunikasaun Sosiál (KS-UNTL), Iha HNGV, Kinta, (27/01).

Nia hatutan, Iha parte rekursu humanu mós minimu tebés halo atendimentu mós tarde liu ba pasiente Sira ne’ebé mak hasoru hela moras denge ne’e rasik.

” Dadaun ita observa li-liu HNGV ne’e iha moras denge mak sa’e maka’as liu, Maibé ho fasilidade rekursu humanu ne’e minimu liu oinsa mak atu halo atendimentu di’ak. Atu atende kedas ne’e difisil, sira sei ba preokupa fali ba ida seluk atende fali ida ne’e entaun liu tiha oras ida rua hanesan ne’e mak foin mai atende fali tan ida, tanba ho pasiente ne’ebé mak barak ” Nia hato’o nia obeservasaun.

Husi Observasaun estudante Komunikasaun Sosial (KS), Iha terenu nota katak, Pasiente barak liu iha HNGV, loron ba loron sempre aumenta mak kazu moras dengue, nune’e mós fatin ba pasiente seluk hanesan moras baibain la iha, obriga balun tenki tu’ur de’it iha kadeira hodi halo tratamnetu.

Realidade hatudu fatin la seguru ba pasiente sira atu deskansa ho diak iha fatin baisa, tanbá fatin ne’ebé mak pasiente sira atu deskansa ba nakonu hotu ho moras dengue. dks-untl/ivo