Governu TL Simu Vasina PFijer BioNTeac Hamutuk 259.740, Hosi Australia-UNICEF
Naunil Média (Díli), Governu Timor-Leste liu hosi Ministeriu Saúde (MS), Simu tan Vasina PFizer BionTEAC, Hosi Governu Australia liu hosi Fundus Nasoens Unidas ba Labarik (UNICEF) hamutuk 259.740.
Aimoruk Vasina ne’e simu iha Aeroportu Internasionál Nicolao dos Reis Lobato, Ho Aviaun Airlines , Mais ou menus horas 11:30, Oras Timor-Leste.
Vasina Covid-19 Pfizer BioNTech sei ajuda vasina labarik sira hosi idade tinan 12 to’o tinan 18 mai kraik no utiliza ba booster adultu sira tinan 18 ba leten.
Enkaregadu Embaixadór Australia iha TL, Suzanne Wilson-Uiled , hateten, Governu Australia mak parseiru bo’ot no amigu proximu ho povu no Governu TL.
” Governu Australia mak parseiru bo’ot no amigu proximu ho povu no Governu TL. Kontribusaun ne’e parte kompromisiu hodi ajuda proteje povu iha nasaun ne’e TL husi Covid-19.” Dehan Enkaregada Embaixadora Australia, Suzanne Wilson-Uilel ba jornalista iha Aeroportu internasionál Nicolau Lobato, sabadu (29/01)
Aliende vasina Pfizer doze Milaun 1,2 Governu Australia oferese ona, Ho vasina AstraZeneca hamutuk 777.850 ba TL. no Governu Australia mós oferese ona millaun 3,5 liu ba parseiru saúde sira inklui UNICEF no Organizasaun Mundiál Saúde (OMS), apoiu ba vasinasaun.
Iha Fatin hanesan, Reprezentante UNICEF, Billal Durrani, Orgolhu reprezenta hodi reprezenta UNICEF hamutuk ho Governu Australia entrega vasina pfizer doze 259.740 ba Governu TL, Konsiste hosi total primeiru lote doze millaun 1,260,090 mak promete ona hosi Governu Australia ba TL.
Alende ne’e , UNICEF mós kontinua oferese apoiu tekniku, Lojistiku no finansial hahu hosi Jestaun vasina fortifika kapasidade kadeia malirin iha nivel nasionál no subnasionál, Lansamentu kampaña vasina ba tinan 12 ba leten ho pfizer no ba tinan 18 ba leten vasina Astra Zeneca.
Ministra Saúde, Odete Maria Freitas Belo, Liu-hosi komunikadu imprensa hateten, Parseria ho governu Australia, UNICEF apoia hela ona akizasaun no entrega vasina sira, fortalese kapasidade kadeia malirin, hasa’e prorgrama konsientizasaun komunidade simu vasina.
“Povu TL benefisia ona hosi jenerozidade Australia nian durante tempu defisil Kumpri ona promesa hodi fornese vasina pursentu 80 ba populasaun elizivel pais ne’e no vasina sira ne’e sei ajuda ita proteje ema rihun atus-resin nia familia no komunidade sira hosi Covid-19”. Ministra hakotu. LTS
