Entre Lere, Ramos, Lú-Olo, P. Os Verdes Sei Apoia Ida
Naunil Média (Dili), Entre kandidatura tolu iha Eleisaun Prezidensiál, Kompostu hosi, Francisco Guterres Lú-Olo, José Ramos Horta, Lere Anan Timur. Partidu Os Verdes de Timor sei deside apoia ida (1).
Prezidente Partidu Os Verdes de Timor, António Lela Huno, Hato’o lia hirak ne’e ba jornalista sira hafoin remata reuniaun Konsultativu Nasionál, Iha salaun Katedral, Domingo, (30/01).
Nia hatutan, Iha loron 12 Fevereiru, Partidu Os Verdes Timor sei deklara fó apoia ba kandidatura entre, Francisco Guterres Lú-Olo, José Ramos Horta, Lere Anan Timur, ne’e ida.
” Desizaun apoia kandidatura ne’e fó ona ba Prezidente Partidu tanba ne’e sei halo komunikasaun ida, tanba ho ita nia maun Lú Olo no mós ita nia maun José Ramos Horta, Antes halo ona komunikasaun ita nia aman Lere Anan Timur ami rona ona no ami sei hakarak rona mós aman Ramos Horta mais ou menus hanoin halo nusa vizaun saida mak atu lori karik Partidu Os Verde bele inklui mós iha intendimentu polítiku iha kandidatu sira,” Haktuir Prezidente, António Lela Huno
Nia deklara, desizaun ne’ebé membru konsultativu fó ona tanba ne’e sei iha konkluzaun ida atu deklara ka anunsia hodi apoia ba Kandidatura ne’ebé sira ne’ebé Partidu Os Verde tau konfiansa.
” Ha’u fiar se karik buat hotu sei hetan konkluzaun Partidu Os Verde sei deklara ou anunsia nia apoia ba kandidatura ida iha dia 12 Fevereiru agora. Prezidente partidu sei konsulta ho inisiator mak konkorda ita avansa ,” katak Prezidente Partidu
Lela Huno hateten desizaun ohin ema hotu akompaña aklamasaun hot-hotu fo nia konfiansa tomak ba Prezidente Partidu hodi halo komunikasaun ho lideransa ou Kandidatura sira ne’ebé mak agora rezistu ona mak hanesan José Ramos Horta, aktual Prezidente Repúblika Francisco Guterres Lú Olo no Lere Anan Timur.*Jos
