MOJEKOF: Lú Olo Potensia Di’ak Kontinua Re-Kandidata Ba PR
Naunil Média (Dili), Movimentu Jerasaun Kontinuador Fretilin (MOJEKOF), Analiza katak Aktuál Prezidente da Repúlika (PR), Francisco Guterres Lú-Olo, Potensia di’ak ida atu Re-Kandidata a’an ba Eleisaun Prezidensiál iha periodu 2022-2027.
” Tuir analiza lideransa hosi MOJEKOF katak aktual PR Francisco Guterres Lú-Olo mós nu’udar potensia di’ak ida entres potensia sira seluk hodi kontinua kandidata a’an ba Eleisaun Prezidensiál iha preriodu ne’e.” Dehan SEKJEN MOJEKOF, Faustino Soares, ba Jornalista sira, liu-hosi Komunikadu imprensa, iha salaun Luz Klarita, Sabdu, (29/01).
Tanba MOJEKOF nia observasaun katak aktul PR Lú-Olo durante mandatu tinan lima (5) Hatudu pontu katak, hatene interpreta K-RDTL, nos servisu ekilibriu ho titular ho orgaun soberanu sira seluk. Hatene tau a’as interese nasionál no bein-estar komúm.
Nia hatutan, Xefe estadu la halis ba interese partikular hosi líder politiku ka organizasaun ne’ebé deit inklui familia ka interese pesoal, Garante paz no estabilidade nu’udar baze ba haburas dezenvolvimentu nasionál, Valoriza veteranu no kombatentes nasionál.
Tuir mandatu konstituisaun RDTL artigu 75, alinea 2 hateten katak kada tinan lima (5), Povu tenki hili nia Prezidente Repúblika foun sai nu’udar Aman ba nasaun no ba povu tomak no simbolu garante indepedensia nasionál no unidade estadu nian ho instituisaun demokrasia nia funsionamentu regulár.*Jos
