P. Os Verdes Sei Lori Fila Dokumentus Komprovativu Ba MJ

Naunil Média (Díli), Iha semana ne’e Partidu Os Verdes Timor, sei lori sei lori fila fali dokumentus komprovativu ba Ministeriu Justisa (MJ), Nune’e bele hetan legalidade.

Prezidente Partidu Os Verdes, António LeLa Hunu, Hato’o lia hirak ne’e ba jornalista sira, Hafoin  halo reuniaun Konsultativu Nasionál, Iha Salaun Katerál, Domingu, (30/01).

“Enatun ba ami haree katak indeferementu segundu di’ak no ami kompleta ona no semana ida ne’e duni ami sei lori fila fali ba Ministeriu Justisa,” dehan Prezidente partidu Os Verde 

Prezidente Partidu ne’e hatutan, Antes ne’e iha indeferementu dala rua mai e ba iha indefere segundu ne’e di’ak tanba indefere ho kondisaun ne’ebé husi Munisípiu balun tenke kompleta.

Nia haktuir, Iha diferentes oituan ho indiferementus ida primeiru ho ida segundu ne’e, indefere totál katak laiha tan dalan ba hadia foun segundu ne’e indefere ho kondisaun katak iha Munisípiu ida ne’e mak tenke kompleta,” Haktuir Prezidente Lela Hunu.

António hatutan, Iha Munisípiu ha’at (4) ne’ebé mak tenke aprezenta dokumentu komprovativu hanesan kartaun Eleitorál ne’ebé antes ne’e balun lamo’os tanba ne’e iha semana ida ne’e sira sei lori fali ba MJ.

” Iha Munisípiu ha’at ne’e ita bo’ot sira hatene katak ita tenke aprezenta dokumentu komprovativu mak kartaun Eleitoral ho dokumentu komprovativu tanba balun la mo’os no ami simu mós, Nune’e ami sei lori fali ida moos ne’e ba MJ,” Tenik Lela Huno*Jos