Lere Husu Militar Neutru no Kuidadu Manobra Polítika

Naunil Media (Díli),  Eis Xefe  Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál reformadu Lere Anan Timur, husu ba militar sira atu neutralidade hodi kuidadu ho manobra polítika.

“ Ha’u husu imi nia neutralidade apartidarizmu, kuidadu ho manobra polítika, tanba ne’e  iha ne’ebé de’it so militár no ema ne’ebé kaer kilat mak bele instabiliza nasaun”, dehan Eis Xefí  Estadu Maior Jenerál FALINTIL-Forsas Defesa Timor-Leste (F-FDTL), Tenente Jenerál reformadu Lere Anan Timur iha Quartel Generál Fatuhada, kuarta (02/02).

Nia hatutan, Tanba ne’e ho polítiku sira atu kritika malu to’o ne’ebé nasaun estavel bainhira institutuisaun militár ho polísia hakmatek.

Nia afirma, Ita família nu’udar nukleo no pilar importante iha sosiedade Timorense ninia ezisténsia mak baze ba Institutuisaun no Estadu.

Tanba ne’e mak família presiza iha harmonia unidade no estabilidade haksolok iha uma-ka’in ida-idak nia sosiedade Timor-oan sira,  Timor-Leste  nasaun ki’ik ne’ebé lokalizadu iha kontinente Ázia,  ne’ebé naran bo’ot tanba ita maioria nu’udar sarani katólika, dehan nia.

“Ohin loron ita haree no akompaña mosu de kandensia moral iha sosiedade, ema oho malu, divorsiu, prátika abortu, infidelidade, krize lideransa, falta edukasaun sivika ba kamada joven sira, pornografia liafuan la edukativu no seluk tan”, katak nia.

Ita nia fiar ba povu nia oin ita presiza respeitu, kuida no tane aas, tenke hetan Domin no respeita husi ita-nia povu, nia argumenta

 “Ha’u servi nasaun no povu Timor-Leste to’o ha’u-nia rán fakar isin kanek no rai hela fitar, ho sentidu ha’u hadomi tebes ha’u-nia rai doben Timor-Leste, no ha’u- nia emar povu, liuliu Forsas Armada, onra no fó glória ba as’uain sira hotu husi ita-nia aman ba nasaun proklamador prezidenti Francisco Xavier do Amaral, no ita-nia prezidenti no ita-nia Komadante Nicolau dos Reis Lobato, hamutuk ho kombatente as’uain rihun ba rihun, ne’ebé fakar sira-nia rán, no isin namkari hodi soi Timor-Leste, no soberania iha mundu rai klaran”, informa nia.

Tanba  ne’e, mós nu’udar loron ikus, ba Lere Anan Timur nia rekursu tomak, durante tinan 47 nia laran dedika-an iha militár, nia hakotu lia. Ana