Brigadeiro Generál Calisto Halo Promosaun ba Membru Militar Na’in 17
Naunil Media (Díli), Xefí Estadu Maior Falintil Forsa Armada Brigadeiro General Calisto Santos Coli -Ati, hateten,promosaun ne’e normal militar nia ne’e,portanto rekonhesimento komando bá militar sira ne’ebé halao sira nia kareira tuir ona kriteria no prenxe ona rekejisto depois para sira provome.
“Ohin halao promosaun ba membro FFDTL, iha promosaun ne’e promove Oficiais Sub alterno na’in Rua (2) ba oficiais superior mak 1, kapitaun Juvil Sergio Caetano 2, Kapitaun Fernando Fernandes husi postu kapitaun ba Maijor”, dehan xefí estadu Maior Falintil Forsa Armada Brigadeiro Generál Calisto Santos Coli-Ati ba jornalista sira iha Quartel Generál Fatuhada, kinta (03/02).
Nia afirma, ho rekonesimentu bá militar sira tuir sira nia servisu, sira presta durante tempu barak iha postu ne’ebé uluk tau ba.
“Ho Promosaun bá tinan ida ne’e remata ona,depois tuir fali sei promasoens ne’e depende bá jenerál foun sei hare’e”, katak nia.
Nia relata, Iha unidade talvez liu-liu bá forsa naval ninian, mak sei preve halo promosaun sei simu iha fulan Agustu nia laran.
Ho nune’e mós promove militar husi postu Alferes ba Tenente , primeiru sargentu ba sargentu ajudante segundu sargentu ba primeiru sargentu no Cabu ba segundu sargentu, dehan Coli-Ati.
“Ohin hala’o promosaun ba Membru militar hamutuk Na’in 17, promosaun ne’e hahú husi klase sargentu hamutuk na’in 12 , ofisiais sub Alternos na’in 3 no ofisiais superior na’in 2”, tenik nia. Ana
