Detekta Omicrom Iha TL Taur Husu Sidadaun Sira Simu Vasina
Naunil Media (Díli), Variante foun Covid-19 ho naran Omicrom ne’ebé oras dadaun iha ona Timor-Leste (TL), tanba ne’e Primeiru Ministru (PM) Taur Matan Ruak husu favor ba sidadaun sira atu simu Vasina kontra Covid-19.
Lia hirak ne’e hato’o husi Xefi Governu Taur Matan Ruak ba jornalista sira bainhira hala’o enkontru ho Prezidenti Repúblika (PR) Francisco Guterres “Lú Olo” iha palásiu Prezidensiál Nicolau Lobato Bairru Pite, kinta (03/02).
“Omicrom ne’e Preokupasaun boot ida maibé medidas ne’ebé ita tenke toma no reforsa mak kampaña vasinasaun, ita agora sei vasina hanesan iha tinan kotuk ita soe tiha vasina rihun atus resin ba kaixa lixu, tanba ema la bá simu Vasina, entaun ha’u nia apelu mak ne’e sidadaun sira ne’ebé mak seidauk simu Vasina favor ida ba simu vasina, ita iha vasina para sona kuandu hakarak”, dehan PM Taur Matan Ruak.
Iha biban ne’e Xefi Governu mós husu ba sidadaun sira ne’ebé simu ona doze Primeiru, tenke ba simu tan segunda doze no sira ne’ebé iha doze segundu, se karik mundu iha kriterius ba simu doze terseiru tenke ba tantu kampaña vasinasaun ministeriu saúde dispoin hela ba sidadaun sira.
Taur hatutan, Sira ne’ebé mak ministeriu saúde organizasaun mundiál saúde baibain hateten katak, laiha nesesidade diminui Movimentu sira ne’ebé aglomerasaun konsentrasaun sira ne’ebé laiha nesesidade Lalika halo mas, iha nesesidade naturalmente tenke halo.
Nia dehan, Esforsu governu nian mak tenta hela haree halo nusa mak bele moris hamutuk ho moras sira ne’e. *Jos
