Komisáriu Faustino: Artemasiais Kontinua Halo Problema PNTL Husu Governu Lalika-Legaliza

Naunil Media (Díli), Komisáriu Faustino da Costa hateten , Grupu arte Ritual no artemasiais mak kontinua halo problema entaun Polísia Nasionál Timor-Leste (PNTL) rekomenda ba governu atu lalika legaliza.

Komandante Jerál Polísia Nasionál Timor-Leste (PNTL) Komisáriu Faustino da Costa hato’o lia hirak ne’e ba Jornalista sira hafoin enkontru ho Prezidenti Repúblika (PR) Francisco Guterres “Lú Olo” iha Palásiu Prezidensiál Nicolau Lobato Bairru Pite, kinta (03/02).

“Ita bo’ot sira akompaña karik ita orienta sira avizu ona ba sira nia membru sira,  ne’e para laiha tan atividade sira hanesan ne’e, entaun ita bolu momentu ne’ebá mak se ida ne’e mak sira lakontinua haree para membru sira kontinua ida-idak halo sira nia jeitu asaun sira hanesan ne’e,  entaun ita rekomenda ba guvernu atu lalika legaliza imi”,  dehan Komisariu Faustino da Costa.

KOMJER hatutan,  Tanba ne’e Polísia bolu no ko’alia ona líder arte Ritual no artemasiais liuliu IKS ho 77,  no sira aseita halo deklarasaun ne’ebé sira rasik halo aviza ona ba sira nia ema sira,  ho situasaun sira ne’e mak ohin aprezenta ba Prezidenti Repúblika.

Faustino hateten,  Assinatura akordu entre arte ritual no artemasiais Kera Sakti no mós 77 nian,  ne’ebé sira mak halo depois iha prezensa Polísia nian para líder organizasaun sira bele aviza tutan ba elementu artemasiais no Arte Ritual sira iha baze.

Nia dehan,  problema iha Masilidun Tasi-Tolu ne’e entre arte ritual 77 ho artemasiais Kera Sakti ne’e mak ho akontesementu ne’ebé ema hotu akompaña,  ne’e mak parte polísia bolu sira nia líder para halo assina akordu no líder masimu sira mós tenke hakalma sira nia ema sira,  sé lakontrola mak rekomenda governu para labele legaliza sira. *Jos