FEATUREDIkus LiuNewsSaude

PM Taur: Governu Preokupa Dengue Ne’ebé Hamate Labarik Besik 20

Fahe Tutan

Naunil Media (Díli), Primeiru Ministru (PM) Taur Matan Ruak hateten, Governu iha Preokupasaun bo’ot ba moras Dengue, ne’ebé hamate ona labarik sira kuaze ema  na’in ruanulu (20),  no mós afetadu ba sidadaun kuaze rihun resin ona.

Xefí Governu Taur Matan Ruak hato’o lia hirak ne’e ba jornalista sira hafoin enkontru ho Prezidenti Repúblika (PR) Francisco Guterres “Lú Olo” iha Palásiu Prezidensiál Nicolau Lobato Bairru Pite, Kinta (03/02).

“Dengue ne’e ita iha preokupasaun bo’ot loos, tanba hamate ita nia oan sira besik ema na’in ruanulu (20),  no rihun resin mak afetadu maibé ita halo hela esforsu halo nusa mak neutraliza ida ne’e,  no Tuir indikasaun katak nia komesa tun uituan no ita espera katak ita bele ultrapasa ida ne’e”,  dehan Xefí  Governu

Xefí Governu ne’e mós hatutan,  Iha medida rua ne’ebé ministeriu saúde halo hela,  para bele neutraliza ida ne’e mak hanesan limpeza,  tanba ne’e lata mamuk no bee sira ne’ebé nalihun sira,  ne’e entaun fó fatin ba susuk atu moris barak liu tan,  no ida mak rega susuk entaun ida ne’e mak esforsu ne’ebé halo hodi minimiza risku ne’ebé afeta ba sidadaun sira.

Iha enkontru ne’e Prezidenti Repúblika mós fó Mensajen ba sidadaun sira liu husi Primeiru Ministru katak,  sidadaun ida-idak tenke hadomi nia aan no tenke kopera liu-liu ho Ministeriu saúde,  kuandu ko’alia kona-bá moras aat sira hanesan Dengue, Covid, Tuberkulozia.* Jos

Leave a Reply

Your email address will not be published. Required fields are marked *