Tenente Jenerál Falur Nafatin Prioridade ba Obra Ne’ebé Lere Husik

Naunil Media (Díli), Xefí  Estadu Maior Jenerál FALINTIL Forsa Defeza Timor-Leste (F-FDTL),  Tenente Jenerál Domingos Raul Falur Rate Laek, Hatete nia parte sei kontinua nafatin prioridade ne’ebé Eis Xefe Estadu maior Jenerál (F-FDTL, Tenente Jenerál reformadu Lere Anan Timur halo iha instituisaun F-FDTL nia laran.

“Prioridade ne’ebé mak ohin ha’u ko’alia ona nee, ha’u laiha prioridade seluk tanba planu difine ona, programa difine ona no atividade difine ona, ha’u halo tuir de’it buat ne’ebé mak halo ne’e, ha’u la bele hasai buat ne’ebé ita nia maun Lere halo”, dehan Xefí  Estadu Maior Jenerál FALINTIL Forsa Defeza Timor-Leste (F-FDTL),  Tenente Jenerál Domingos Raul Falur Rate Laek  ba jornalista sira iha Quartel Generál Fatuhada, kuarta (02/02).

Nia afirma, relasiona ho kondisaun F-FDTL tanba ho situasaun krize barak mosu no depois pandemia Covid-19 mosu no buat sira ne’e hotu impede dezenvolvimentu iha instituisaun laran, maibé kuandu livre no la’o ona,entaun dezenvolvimentu forsa ninia la’o ona.

Tanba ida ne’e mós prioridade ida defeza ne’ebé externa interese estratejiku maka’as liu iha área ida ne’e”, katak nia, iha parte lojistika fiar katak Governu no estadu komprometidu atu mellora kapasidade militar ninian, dehan nia.

 “Ohin ha’u ko’alia tiha ho Jenerál ami rua kleur hamutuk, ami rua hamutuk la’ós oituan, toba hamutuk la’ós oituan no hán hamutuk la’ós oituan no servisu hamutuk la’ós oituan, maibé barak liu, nia husi legadu ne’e hanesan amo mai hanesan maun no hanesan komadante  mai hanesan líder no irmaun no kompaneiru, ida ne’e mak ninia karater nia hosik hela”, konta tuir  Falur.

Nia hatutan, Ami fahe mak família, fahe mak poder no polítika, maibé sofrementu barak mak ami hamutuk entaun la bele fahe, esperiénsia ne’e barak, tuir ninia krater no esperiénsia sai tiha ami-nia relasaun emosionál ne’e liu fali hanesan espritu kamardajen, irmaunidade, faternidade. Ana