FEATUREDGeralIkus LiuNews

Diretór Luta Hamutuk José : Artemasiais La’ós Fatin Konfrontu

Fahe Tutan

Naunil Media (Díli), Diretór Organizasaun Naun Govermental Luta Hamutuk (LH) José Alves da Costa hateten,  Artemasiais la’ós sai fatin konfrontu, maibé fatin hadia fiziku no pior liu joven sira apoiu malu tuku malu oho malu invesde lori ba polísia no tribunal.

“Artemasiais la’ós sai fatin konfrontu ne’e fatin ba hadia fiziku la’ós fatin ba konfrontu,  maibé ita nia maluk joven sira ne’e intende sala no mais pior liu tan ida tuku malu iha ne’ebá ida seluk mai para tuku malu sona malu, invesde ba lori ba dalan justisa hanesan polísia no tribunal”, dehan Diretór Luta Hamutuk José Alves da Costa ba jornalista sira iha nia knaar fatin Farol, Sexta (04/02).

Diretór ne’e hatutan,  Siguransa iha responsabilidade atu halo atuasaun,  no tribunal iha responsabilidade moral para foti desizaun,  katak sé mak loos sé mak sala la’ós,  ema ida-idak mak fó julga ba malu,  no la’ós lori kroat mak hatudu ba malu.

José hateten,  Tanba ne’e mak parte guvernu mak tenke fó ketegasan ba iha artemasiais sira ne’e hotu,  no mós ba artemasiais nia bo’ot sira no nia prefere artemasiais ida halo problema tenke kaer mak nia bo’ot ne’e, para nia bele fó kontrolu maximu ba ninia elementu sira.

Nia esplika,  Fó mós sensibilizasaun ba inan aman sira tanba ne’e mós deskotroladu husi inan aman,  no família nu’udar inan aman oan sai ba ne’ebé mós lahatene lahusu tuir ne’e falta moral no responsabilidade ne’ebé presiza halo sensibilizasaun ba povu tomak para bele hatene katak mesak Timor oan mesmu diferensia artemasiais.

Nia dehan,  Kria unidade estabilidade no responsabilidade ba malu hatur justisa loloos,  iha nia fatin ne’ebé de’it tenke konsidera malu laiha familia hahoris para ema seluk atu oho,  tanba ida ne’e sei hamosu konflitu ne’ebé sei lori tempu naruk, presiza unidade no unidade tenke hahu husi uma laran hafoin sai ba li’ur.

Antes ne’e Primeiru Ministru (PM), Taur Matan Ruak mós apela ba joven sira katak bele iha diferensia,  maibé labele oho malu, labele tuda malu, labele baku malu nune’e halo buat di’ak ba ema hotu nia di’ak,  duké tuda malu no oho malu. *Jos

Leave a Reply

Your email address will not be published. Required fields are marked *