MSSI Lansa Estratezia Nasionál ba Protesaun Sosiál Tinan 2021-2030
Naunil Media (Dili), ministeriu solidariedade sosiál no inkluzaun (MSSI) lansamentu estratéjia nasional ba protesaun sosial (ENPS) ba tinan 2021-2030
Ministra MSSI Armada Berta dos Santos hateten, iha eventu lansamentu estratéjia nasionál ba protesaun sosial iha tinan 2021-2030 ninian.
“estratéjia nasional ida ne’e instrumentu ida ne’ebé trasa ba protesaun sosial iha dékada tuir mai hanesan ema hotu hatene katak, estratéjia nasionál ida ne’e aprova tiha ona iha konsellu Ministru iha loron 11 fulan Novembru tinan 2021 liu ba”. Dehan ministra MSSI Armanda Berta do Santos iha nia diskursu hafoin hala’o lansamentu iha salaun City8 manleuana, sesta (04/02)
Ministra MSSI haktuir, tanba Timor-Leste hakarak halakon kiak, promove dame, garante asesu ba saúde, edukasaun, no servisu esensiál sira seluk, i garante kuidadu ne’ebé adekuadu ba labarik sira, ferik katuas no ema ho defisiénsia, i no mos proteje populasaun hodi hasoru risku sosiál no ekonómiku, hanesan ne’e garante nível moris nian ida ne’ebe dignu ba sidadaun timoroan hotu-hotu.
Enkuantu ENPS 2021-2030 nu’udar dokumentu estratéjiku dahuluk, ho modelu hanesan ida ne’e nian, ne’ebé dezenvolve iha ita-nia nasaun.
“Estratéjia ne’e konsidera populasaun nia kondisaun moris, programa no enkuadramentu protesaun sosiál ne’ebé existe ona iha nasaun, hanesan mós kompromisu no responsabilidade sira ne’ebé Estadu Timór asume tiha ona hodi konkretiza vizaun ba Protesaun Sosiál iha Timor-Leste to’o iha tinan 2030”. Ministra esplika
Nia hateten, Eventu lasamentu realiza tanba serbisu hamutuk nudar parseria ho programa ACTION/Portugal, implementa husi Organizasaun Internasional pa iraDalu (OlT) no finansia husi Governu Portugal.
Iha eventu ida ne’e, iha mós prezensa husi membru Governu, reprezentante Parlamentu Nasionál, prinsipál desizor foti desizaun, parseiru sosial, doador sira, parseiru ba dezenvolvimentu no reprezentante sosiedade sivil sira ho responsabilidade iha sistema protesaun sosial nia laran iha timor leste. LTS
