CDTL-SEJD Lansa Modalidade 8 Partisipa Sea Games iha Vietnam 2022
Naunil Média (Díli), Prezidente Konfederasaun Desportu Timor-Leste (CDTL) Macario Sanches informa, Ohin hamutuk Governu Timor-Leste liu husi Sekretáriu Estadu Juventude no Desportu (SEJD), hala’o lansamentu ofisiál ba perparasaun atleta nasionál husi modalidade 8 federsaun hamutuk 7 ne’ebé mak atu partisipa iha Sea Games Vietnam iha tinan ne’e 2022.
“Permite ha’u hahú ita nia Federsaun Desportiva sira, tanba iha loron hirak liu ba semana hirak liu ba hahú esforsu ona perpara sira nia atleta sira para atu bele iha kbiit atu kompete iha Sea Games tuir mai “, dehan prezidente CDTL Macario Sanches iha liu husi nia diskursu iha Timor Plaza Díli, sabado(05/02).
Nia hatutan, Federsaun 7 ho nia Modalidade 8 ne’ebé mak atu partisipa iha Sea Games Vietnam tinan ne’e, mak Karate-do, Taikondow, Boxe, Atletismu, Natasaun, Futebool, Fahkuptil, body bulding.
Prezidente CDTL akresenta, Atu bele hamrik iha ne’e hamutuk iha ita bo’ot sira nia oin, para atu deklara katak Timor-Leste ba prestasaun, Timor-Leste la’ós atu ba partisipa, maibé atu lori Hino nasionál lori Bandeira Timor-Leste semu iha eventu internasional.
Perpasaun ba ohin prova ba atleta sira katak sira atu kompete iha eventu internasional sira liuliu Sea Games Vietnam, dehan nia.
Iha fatin hanesan, Sekretáriu Estadu Juventude no Desportu (SEJD), Abrão Saldanha Informa, Desportu la’ós de’it reprezenta prestasaun, maibé reprezenta mós orgulu nasaun ida idak, oinsa mak atu hatudu ezistensia estadu ida iha nasaun sira seluk nia leet.
“Ita hotu orgulu iha kontijente ida ne’ebé sei reprezenta rai Timor-Leste iha Sea Games polítika Governu nian, dala ida ne’e liu liu ba alta prestasaun, ita hahú ona hakotu liafuan ida partisipa ha’u dehan ona ba prezidente Federsaun sira, ita tenke para ona lifauan partisipa ita tenke hahú ona ho prestasaun”, tenik Abrão.
Nia hatutan, Ita foin atu lansa ofisializa ita bo’ot sira nia perparasaun seidauk partisipasaun, ha’u hakarak tegas tan dala ida ba prezidente federsaun sira, treinador sira, atleta katak númeru aumenta mak labele mais númeru redus, ne’e bele katak sé mak sei hatudu nia prestasaun nia mak sei reprezenta ita hotu.
Nia dehan, Se nia seidauk iha kapasidade atu reprezenta perpara aan lai iha rai laran, ho nune’e la’ós de’it atu partisipa maibé atu hatudu prestasaun.
Totál atleta ne’e mak atu ba Sea Games Vietnam 2022 hamutuk 54, husi atleta sira ne’e atleta individual hamutuk 32.
Federsaun Atletismu sei reprezenta husi atleta na’in 6 kompostu husi mane na’in 4 no feto 2, FedersaunTaikondow sei reprezenta atleta 9 mane 5 no feto 4, Federsaun Boxe atleta na’in 5 Karate-do sei reprezenta na’in 5 mane 4 no feto , Federsaun Natasaun reprezenta husi atleta 3 mane 2 no feto 1, no Modalidade Body bulding sei reprezenta atleta na’in 4 Federsaun Futebool Timor-Leste ka atleta Futebool hamutuk 22, nia informa. Ana
