Admira Diskursu Lalatak Nicolao Lobato, Hamonu Matabe’en, Hafoin Bolu “Boby”

Naunil Média (Díli), Hafoin Master Cerimony (MC), Oferese biban atu halo diskursu iha serimonia deklarasaun Tenente Jenerál reformadu, Lere Anan Timur, Patisipante sira balun laran triste no konsege hamonu mateben. iha diskursu lalatak Prezidente Nicolao dos Reis Lobato. Jose Lobato.

José Lobato oan hosi Prezidente Nicolao dos Reis Labato, no Boby oan hosi Tenente Jenerál reformadu, Lere Anan Timur, Tanba funu sira nain rua tenke haketak a’an hosi sira nia inan aman.

Boby Militár Indosnesia ida mak lori ba haki’ak, Tanba inan mate, Aman kontinua lidera funu. Hodi liberta rai ida ne’e ho nia maluk funu nain sira.

Nune’e mós lalatak Nicolao Lobato, familia mak haki’ak tanba familia mate hotu iha funu laran. Hanesan labarik ki’ik oan ne’ebé presiza tebes inan aman nia domin, maibé tanba funu sira nain rua sofre tebes.

Hosi sofrementu sira nain rua nian reprezenta mós labarik sira ne’ebé haketak a’an hosi nia familia ne’ebé mate iha funu laran hahu hosi tinan 1975-1999. 

Iha diskursu ne’e, José Lobato hateten, Tanba funu fahe malu ho familia maibé ra’an ne’e Timor, Tenke fila fali mai Timor-Leste.

” José Lobato Bolu Boby ba hambri’ik ho nia iha oin, hafoin Boby ba hambri’ik iha sorin José Lobato introdus ba partisipantes sira katak, Boby hanesan ho hau, Tanba funu fahe malu ho familia, No nia bo’ot iha Indonesia maibé ra’an Timor-Leste tenke fila fali mai Timor-Leste.” Konta José Lobato, iha diskursu, hafoin partisipa serimonia deklarasaun ofisiál Tenente Jenerál Lere Anan Timur, Iha Munisípiu Ainaro, Sabdu, (05/02).

Nia haktuir, Lolos la mai hambri’ik iha ne’e maibé tanba ra’an ne’ebé sulin iha isin lolon mak lori hau mai hambri’ik hodi loke ibun atu ko’alia.

José hateten, Ba ita nia aman Lere Anan Timur hatutan nafatin espiritu sakrifisiu ne’ebé fó a’an ba mate hosi ita nia saudozu sira.

Lalatak Nicolao Lobato mós hato’o orasaun Francisco Asis, ne’ebé reprezenta espiritu ida ne’e, hosi perdão mak hetan perdua, hosi mate mak hetan moris rohan la’ek, Ita bo’ot inspira tiha ona ami durante luta iha tinan 24 nia laran libertasaun da patria, Husu inspira nafatin ami luta libertasaun povu maubere.

Nia apela, iha kampaña mak ita sé, maibé depois de Eleisaun ita tenke hamutuk fila.

Ohin rona fali mós liafuan unidade nasionál hosi Prezidente dos Nicolao Reis Lobato nia oan Mane Jose Lobato. 

” Liafuan unidade nasionál bainhira ko’alia ho nia ra’an maluk Boby no sira seluk atu labele fahe malu, rai odiu no vigansa ba malu hafanu fali espiritu unidade iha hau nia fuan.” Tenik nia.

Apela mós katak labele fahe tan Timor ba loromonu no Lorosa’e, lalika soran mós makasae ho Naueti, Kemak ho Bunak, hado’ok a’an mós hosi liafuan mistisu Arabe no China, Timor ida de’it, Timor ita hotu nian.

Nune’e atu taka diskursu, Jose Lobato mós kanta musica ida ho Titulu, Kadalalak suli mutuk.

Tanba liafuan hirak ne’e soke mós partisipantes balun nia laran, Nune’e hamosu tristeza. Nune’e hamonu mós mataben Master of Cerimony, Alexandrina Tilman. Tanba sempre hamosu tristeza bainhira konta sofrimentu luta libertasaun nian. Latu