SEKOMS Apela Rádiu Komunidade Ermera Servisu Tuir Kode Etika Jornalismu
Naunil Media (Dili), Sekretáriu Estadu ba Komunikasaun Sosiál, Mericío Juvinal dos Reis “AKARA” hato’o afirmasaun ne’e bainhira vizita Rádiu Komunidade Café Ermera hodi haree progressu servisu ne’ebe durante ne’e jornalista sira hala’o.
Vizita ne’e hala’o iha sexta-feira, loron 04 fulan-Fevereiru, tinan-2022, iha edifísiu Rádiu Komunidade “Kafé”, Munisípiu-Ermera.
Iha vizita ne’e, SEKOMS hateten, Governu nafatin apoiu liu husi fundus transferénsia públiku atu jornalista bele hala’o kna’ar ho di’ak atu bele fo informasaun ba komunidade sira.
SEKOMS kontinua informa ba jornalista Rádiu Komunidade sira relasiona ho eleisaun prezidensiál besik ona tanba ne’e jornalista sira tenke hatudu profisionál tuir kode etika jornalizmu wainhira hala’o knar iha terrenu.
Iha fatin hanesan, Presidente Konsellu Rádiu Komunidade Kafé Ermera hato’o preokupasaun ne’ebé mak durante ne’e jornalista sira hasoru mak hanesan menus ekipamentus atu fasilita jornalista sira.
Hatan ba kestaun ne’e Diretor Nasionál Promosaun No Dezenvolvimentu Midía Lokál-DNPDML, Jose da Costa hateten, SEKOMS ho diresaun nafatin esforsu hodi bele ajuda Rádiu Komunidade sira liu husi fundus transferénsia públiku hodi tulun jornalista sira.
Enkuantu vizita ne’e akompaña hosi Diretor DNPDML, Jose da Costa, no Xefe Departamento Rádio Komunidade, Julio da Costa Bere Mali no tekniku espesializada SEKOMS. Latu
