CNE Lautém Sei Realiza Serimonia Rituál Garante Eleisaun Prezidensiál

Nauni Média (Díli), Komisariu Comisaun Nasionál Eleições (CNE), Munisípiu Lautém, Olavio Da Costa Monteiro de Almeida, Informa, Serimonia ritual iha Munisípiu Lautém sei realiza iha loron (23/02).

Sei realiza serimoia ritual iha nivél Munisípál no Nasionál ne’e atu husu matak malirin ba heroi no matebian sira atu bele tulun aktividade kamapaña Eleisaun Prezidensiál bele la’o iha paz  no trakuilidade nia laran. 

Komisariu CNE, Munisípiu Lautem, Olavio Da Costa Monteiro de Almeida, hateten, Serimonia ritual ne’e atu bele asegura paz no estabilidade.

” Objektivu Husi serimonia ritual ne’e atu ita bele asegura ita nia Eleisaun Prezidensial ne’e ho Paz Dame no Hakmatek, bele dehan Eleisaun ida ne’ebe ho pasifiku, la’o iha ambiente hakmatek ho lia hamulak hosi ita nia lider Kulturál sira lider Tradisionál sira atu fó matak malirin ba ita nia kandidatus hot-hotu ne’ebe sei hala’o sira nia kampaña ho di’ak,” Dehan Olavio da Costa, ba jornalista sira, iha suku Bauro, Quarta, (09/02).

Nia Haktuir, Serimonia rituál ne’e sei partisipa hosi, Lia nain, Lider Partidus Politikus, Autoridade Munisípál, Parte Seguransa, Arte Marsias, Lider Komunitario, Juventude no Komunidade sira nune’e ema hotu bele asegura paz no estabilidade iha tempu kampña iha Eleisaun Prezidensiál. Ze