AHDMTL: Iha Kampaña, Kandidatu Sira Labele Diskrimina Ema Ho Defisiensia
Naunil Média (Díli), Asosiasaun Halibur Defisiensia Matan Timor-Leste (AHDMTL), Husu ba kandidatu Prezidente da Repúblika atu labele diskrima ema ho defisiensia sira iha tempu kampaña. Ne’ebé sei hala’o iha fulan marsu ne’e.
Diretór Ezekutivu AHDMTL, Gaspar Afonso hateten, Bainhira ema ho defisiensia sira hetan hela diskriminasaun iha kampaña, Oinsa ba bele ko’alia paz no dame.
“ Ita nia hakarak kandidatura sira asegura paz no dame, kandidatura sira tenke maduru liu iha kampaña Labele insulta malu, Tenke ko’alia objetivu ida ne’ebé mak klaru atu dezemvolve rai ida ne’e, Nune’e hasai povu hosi impase politika ne’ebé ita hasoru tinan naruk nia laran,” Dehan Diretór AHDMTL, Gaspar Afonso, Hafoin partsipa forum dialago ne’ebé realiza hosi FONGTIL ho Kandidatu Presidente Republika balun, Iha Salaun CNE Sexta (11/02)
Nia haktuir, Kandidatura Prezidente Repúblika sira tenke kria paz no dame hodi bele disidi nasaun nia distinu, Liu moris di’ak povu nian.
Diretór ne’e apela, Kandidatu Presidente Republika ne’ebé mak hakarak involve ema ho defisiensia iha tempu kampaña, tenke kria fatin no kondisaun ba ema ho defisiensia atu labele hetan diskrimisaun.
“ Ha’u nia rekomendasaun mak ne’e, kandidatura sira ne’ebé mak involve ema ho defisiensia iha kampaña, tanba iha ema ho defisiensia ida ne’ebé mak loialidade ba nia kandidatura entre ida hosi 17, ne’e direitu no liberdade ema ida-idak nian, maibé labele fo ita nia a’an atu ema utiliza iha momentu kampaña ka eleisaun de’it. Maibé liu tiha ne’e sira la konsidera no laiha interese ona”, Hateten Diretór AHDMTL.
Gaspar alerta, Karik ema ho Defisiensia ruma hetan diskrimisaun husi kandidatura sira iha tempu kampana, parte AHDMTL sei halo kritiku maka’as ba aktu sira ne’ebe mak sira komete.
” Ita sei halo kritiku maka’as ba aktu sira ne’e, Karik Ita nia defisiensia matan no seluk tan hetan diskrimisaun husi kandidatura 17 ne’e ida, tantu Kandidatu Presidente Repúblika jerasaun tuan no foun, Se de’it mak halo diskriminsaun kontra ema ho defisiensia sira, ami AHDMTL prontu atu falun kritika no prontu atu rekomenda no hakerek karta ba kandidatura sira.” Nia haktuir.
Tuir dadus hosi AHDMTL Ema ho defisiensia matan iha Timor-Leste total hamutuk 14.828 no hosi númeru ne’e hamtuk 60, Mak atu partisipa iha votasaun iha Munisipiu Díli. LTS
