FEATUREDIkus LiuNewsSeguransa

Coliati: Jerasaun Foun Laiha Duvida Involve TL iha Evolusaun Mundu

Fahe Tutan

Naunil Media (Díli), Vise Xefe Estadu Maiór Jenerál Forsas Armadas Calisto Santos Coli “Coliati”,  Hateten nu’udar jerasaun foun no ran foun laiha duvidas involve nasaun iha evolusaun mundu liuliu iha reziaun ne’ebé Timor-Leste insere ba.

“Laiha duvidas ho jerasaun foun no ran foun laiha duvidas, sei buka intrega iha realidade aktual ne’ebé ita nia nasaun involve no mós iha evolusaun mundu nian, liuliu iha reziaun ida ne’ebé Timor-Leste insere ba”,  Vise Xefe Estadu Maiór Jenerál Forsas Armadas Calisto Santos Coli “Coliati”dehan “Coliati” ba Jornalista sira hafoin remata simu posse nu’udar Vise-Xefe Estadu-Maiór Jenerál Forsas Armadas husi Prezidente Repúblika Francisco Guterres “Lú Olo” iha palásiu Prezidensiál Nicolau Lobato Bairru Pite, Tersa (15/02).

Tuir Coliati,  Programa saida de’it instituisaun hotu-hotu no mós instituisaun militár,  bainhira tama sempre iha planu ne’ebé militár iha ona atu hala’o husi tinan ida ba tinan lima, nune’e mós husi tinan lima ba tinan sanulu.

“Programa ne’e ha’u hanoin instituisaun hotu-hotu no mós iha instituisaun militár bainhira ita tama ita sempre iha planu,  ne’ebé militár ne’e iha tiha ona planu atu halo iha tinan ida ninian,  no mós atu hala’o iha tinan lima nian ho tinan sanulu nian,  ne’ebé ami ho tinan ida ba tinan lima purtantu planu iha de’it atu hala’o”, katak Coliati.

Nia dehan,  Laiha duvidas mós ba reforma depende ezizensia globalizasaun, ezizensia realidade mundiál ne’ebé Timor-Leste hanesan parte mundu nian laiha duvidas Timor-Leste tenke buka atu aliña ho evolusaun mundu nian.

Nune’e mós   Xefe Estadu Maiór Forsas Armadas Komodoru Donaciano do Rosário da Costa Gomes “Pedro Klamar Fuik” hatutan, Naturalmente hanesan estadu Maiór forsa armadas sei haree programa saida mak iha estabelisidu ona,  no saida mak presiza planeia, saida mak presiza hadia ou reforma ne’e komesa ohin ba oin ba sei servisu. *Jos

Leave a Reply

Your email address will not be published. Required fields are marked *