Militantes FRETILIN Dom Aleixo Mantein “Lú Olo” PR periodu 2022/2027

Naunil Media (Díli), Estrutura Partidu Frente Revolucionário Timor-Leste Independete FRETILIN,  husi postu administrativu Dom Aleixo, Munisípiu Dílimantein nafatin Francisco Gutrres “Lú Olo”  nia pozisaun prezidente Repúblika ba periodu 2022-2027.

Tuir koordenadór partidu FRETILIN postu administrativu Dom Aleixo, Alexandre Ximenes hateten, Estrutura FRETILIN hamutuk ho organizasaun Juventude Fretilin (JF), organizasaun filladu no organizasaun veteranus i kombatentes Fretilin hodi fó apoiu maximu Francisco Gutrres “Lu-Olo” nafatin sai prezidente Repúblika ba periodu 2022-2027

“Rekonese no admira no louvor kamarada Francisco Gutrres “Lu’ Olo” hanesan militante di’ak iha Partidu Fretilin ne’ebé kompromete no dedika a’an tomak iha tempu susar rezistensia armada to’o referendum”,  Dehan koordenadór Fretilin Postu administrativu Dom Aleixo, Alexandre Ximenes iha Komunikadu imprensa iha Fatuhada Loza Meira Mar, tersa (15/02).

Nai hatutan, Fiar nia matenek no esperensia kamarada “Lú Olo” bainhira hatur soberania estadu no nasaun RDTL,  hamutuk ho membru asembleia konstituante tomak, hodi define no estabelese konstituisaun ba RDTL no hatu’ur ai-riin ha’at ba TL mak hanesan poder iha Prezidente Republika, Legislativu, Exekutiva no Juridikativu.

Entretantu kamarada “Lú Olo” ninia espiritu pasensia hodi Serbi, ho matenek ne’ebé hatudu ona ba povu RDTL Liu husi kna’ar importante ne’ebé povu Titmor-Leste,  no Partidu Fretilin fó fiar ba nia mak hanesan prezidente Parlamentu iha primeira legialatura  no prezidente eleitu ba RDTL periodu mandatu 2018-2022.

“Ita Nia kamarada “Lú Olo” nudar lideransa bainhira prezidente Repúblika  no luta tuir dalan konstituisaun  atu hatur lideransa nasaun ne’ebé nakonu nafatin, ho integridade moral  no responsabilidade sosial, atu ukun na’in sira do’ok husi korrupsaun nepotismu no kolusaun”,  Nia dehan.

Nia afirma, “Lú Olo” nia lideransa hodi halo intervensaun ho nia kompetensia tomak hanesan PR, Liu Husi fó solusaun pragmatiku atu iha kontinuasaun ba governasaun bainhira Estadu nasaun no povu TL presiza nia tulun.

Alende ne’e nudar porta vóz, postu-administrativu Dom Aleixo Munisípiu Díli, Joquim Amadeu Soares hateten, “Lú Olo” hanesan Prezidente Repúblika ne’ebé akoledor no sempre rona hanoin sira husi pilar hotu, instituisaun estadu, organizasaun veteranus  kombatentes, Frente registensia sira hotu no sosiedade sivil, kona-bá asuntu pertenente ba interese povu no nasaun RDTL.

“Ita Nia kamarda “Lú Olo” nudar Lider ezemplar bem sosiedade Timor-Leste hanesan ema kaben na’in katoliku, no aman ezemplar ba oan sira no família maske iha okupasaun barak hanesan ema polítiku no estadista”,  Nia sublina

Nia hateten, fiar ba desizaun ne’ebé di’ak husi comite central partidu Fretilin, hahú husi sekretáriu jerál,  ba membru CPN no CCF ne’ebé hatudu sira nia sabedoria hodi lori partidu atu apoiu kamarada “Lú Olo”  ne’ebé  rekandidata ba eleisaun 2022-2027. LTS