Lere: Alkateri Mak Kuda Fretilin, Maibe Hau Mak Rega, Ra’an Ho Isin

Naunil Media (Dili), Kandidatura Prezidente da Republika Tenente Jeneral reformadu, Lere Anan Timur, Informa, La nega Sekretariu Geral Partidu Frenti Revolusionariu Timor-Leste Indepedente (P.Fretilin), Mari Alkateri mak  fundador duni.

” Mari Alkateri mak fundador Fretilin ne’e hau la nega ita bo’ot fundador duni, Hau mak hela tau matan ba ai ida ne’ebe ita bo’ot kuda ne’e, Mari lori be’e litru hira mak rega ai ne’e Moris, Hau lori ra’an no isin rega ai ne’e Moris to’o agora, Hau ne’e mak laiha Fretilin laiha ona karik,” Dehan Kandidatura Prezidente Republika, Lere Anan Timur, iha nia diskurusu hafoin hasoru malu ho apoiantes sira, Iha Munisipiu Ermera, Tersa, (15/02).

Nune’e Lere Apela ba Veteranos sira, labele hakfodak ba ema nia osan.

” Tanba ohin loron osan fahe ona ita veteranos sira ate propriu Fretilin nega hau, Atu ba tenke haruka surat, Hau mak uma nain hau tenke haruka surat ba se? Nune’e labele nega hau, Tanba hau ne’e ema Fretilin, Atu ba Fretilin Hau tenke haruka surat ne’e sala,” Tenik Jeneral reformadu Lere Anan Timur.

Karik hau la’os Membru Comite Central Fretilin (CFF), Nao ser komferensia Maubae ne’e la vale.

Nia mos haktuir tan katak, Ida ne’e entre ami lider sira mak hatene. Maibe se mak Partidu Fretilin iha ne’e tenke hatene.

” Ita iha ne’e la’os atu sobu Partidu ida, ne’e demokrasia hau mos la obirga ema ida atu vota ba hau, maibe se mak vota Hau sei vota nia futuru ba ema ne’ebe atu ukun rai ne’e ida ne’e mak futuru Timor nian,” Esplika Kandidatu Prezidente da Republika, Lere Anan Timur.

“Partidu hot-hotu ne’ebe eziste iha Timor nia kn’nua no uma lisan mak Fretilin, Maibe tanba oan mane bo’ot ona ida-dak la’o buka nian moris mais imi nia uma lisan mak Fretilin,” Nia Apela.

Lere Anan Alerta, Hau nu’udar nain ba uma lisan Fretilin sei hako’ak Partidu hot-hotu. ida ne’e mak prinsipiu Fretilin nian.

Nune’e sujere ba kordenador Jerais hosi Nasional no Munisipiu sira, tenke sai edukadu hatene koalia tenke konsidera mos ema seluk, Tanba ita nia adversariu la’os ita inimigu maibe ne’e demokrasia ita hot-hotu Timor-Oan.

Tenke respeita mos ita nia funador nasaun sira.  Latu