Governu Japaun Entrega Kareta Tolu ba MS, Hodi Atende Covid-19
Naunil Media (Díli), Governu Japaun liu husi fundus nasoens unidas ba labarik (UNICEF) entrega kareta Retrigerador tolu ba Ministeiriu saúde (MS) hodi luta hasoru pandemia Covid-19 iha Timor-Leste
Tuir embaixadór Japaun ba Timor-Leste Masami Kinefuchi informa, Seremonia hand Over ohin loron ne’e entrega karreta retrijerador tolu ba Ministeriu saúde.
“Kontribuisaun ba Timor-Leste hodi luta hasoru Covid-19 liu husi UNICEF no iha projetu bo’ot rua ne’ebé mak ami asiste liu husi UNICEF”, Dehan embaixadór Japaun ba Timor-Leste Masami Kinefuchi ba jornalista hafoin entrega karreta iha Sames Kinta (17/02)
Embaixador Japaun ba Timor-Leste sublina, iha tinan primeiru ami nia suporta mak $800.000 mil, no ba tempu ida ne’e ami nia suporta finanseiru mak ho orsamentu 1.2 miloes, no governu Japaun ninia suporta ba Timor-Leste espesialmente ba de’it luta hasoru Covid-19 ne’e ita sura totál hamutuk $20 miloes
Enkuantu suporta finanseiru ne’e inklui mós Estabelesimentu ba sala malirin sira iha armajenamentu rejionais sira no mós oferese karreta retrijerador no mós iha suporta sira seluk tan, aleinde ida ne’e ami mós apoiu Timor-Leste liu husi oferese vasina AstraZeneca ho totál 1.168 Doze, dehan nia.
Iha fatin hanesan reprezentante Deputy UNICEF iha Timor-Leste, Ainhua Jaureguibeitia, agradese ba governu Japaun ba servisu parseria ho UNICEF, hodi suporta sistema korenti malirin iha Timor-Leste, espesialmente ba fornesementu karreta retrijerador hirak ne’e.
“Ohin loron oficialmente ami intrega no construsaun ba armazenamento iha armazéns regionais iha RAEOA, Ainaro, Baucau, no Bobonaro”. Dehan nia
Enkuantu Kuartu Retrigerador ho ninia assesoria sira ne’ebe sei instala iha armazens regionais hat, ne’ebé kritiku esensiais hodi armazena vasina ho seguro no distribuisaun kualker tempo ba iha munisípiu hotu no mós ba unidades/fasilidade de saúde hotu.
Entretantu Vice Ministru saúde Bonifacio Maucoli dos Reis hateten, Ohin UNICEF fornese ona karreta tolu ba MS ne’e para atu bele distribui ba armajen rejional sira para hodi bele atendementu, liu-liu atu konserva vasina sira.
Enkuantu karreta tolu ne’e sei distribui ba Munisípiu tolu hanesan armajen Ainaru Baucau no mós Armajen Maliana. LTS
