PNUD Entrega Tinta Indelivel Botir 12,600 ba STAE
Naunil Media (Díli), Ohin dia 17 fulan Fevereiru, Programa dezenvolvimentu Nasõens Unidas (PNUD), ne’ebé finansia husi governu Japaun ba governu Timor-Leste entrega Tinta indelivel hamutuk Botir 12.600 Sekretáriadu Administrasaun Eleitoral (STAE) no ekipamentu Protesaun pesoal (EPP) ba orgaun administrasaun eleitoral ba eleisaun ne’ebé tuir mai.
Tuir reprezentante prezidente UNDP iha Timor-Leste Munkhtuya Altangerel katak, PNUD entrega tinta indelivel ba orgaun administrasaun no regulador Eleitoral hanesan Sekretáriadu Administrasaun Eleitoral (STAE) no Comisão Nascional Elesões (CNE).
“Ekipamentu sira ne’e esensial tebes ba eleisaun sira ne’ebé mai, ho nune’e bele garante tranparensia no seguru husi Covid iha eleisaun sira ne’ebé sei hahú iha fulan Marsu 2022”, dehan reprezentante prezidente UNDP iha nia diskursu hafoin entrega tinta indelivel iha sala STAE Csicoli, Kinta (17/02)
Reprezentante UNDP haktuir, Ekipamentu sira ne’e sosa husi PNUD liu husi projeitu eleisaun rezilienti ba Covid iha Timor-Leste, ne’ebé finansia husi Governu Japaun iha Timor-Leste.
Enkuantu Projeitu PNUD CORE-TL sosa tinta indelivel botir hamutuk 12,600 liu husi kooperasaun ho Governu Timor- Leste.
Tinta ne’e hetan aprovasaun husi Orgaun Administrasaun no Regulador Eleitoral, no partidu polítiku sira liu husi teste ne’ebe halao iha Dezembru 2021.
“Ekipamentu EPP unidade 8 ba pesoal Orgaun Administrasaun no Regulador Eleitora, l hanesan dizinfektante Jerigen 60, botir sanitizer 6000, makina rega-aimoruk 30, roupa EPP hamutuk 660, masker ho tipu KN95 hamutuk pakote 5,800, masker disposal hamutuk tahan 400,000, thermometer 1,600, Luvas hamutuk par 2,900, no Sasan sira ne’e hotu finansia husi Governu Japaun”, Nia esplika.
Iha fatin hanesan Diretór jeral STAE Acilino Branco hateten, Tinta indelivel ninia uti’idade ne’e iha fatura seguransa, ne’ebé efetivu atu prevene votante sira vota ba dala rua, no tinan ne’e uja ona hahú husi eleisaun sira ba kotuk depois ukun an.
Enkuantu tinta indelivel ne’e konserteza sei kontribui siklu eleisaun sira ne’ebé seguru no transparante i no mós reforsa direitu ba vota no demokrasia, nia hakotu. LTS
