SEFOPE Prepara Traballador Timor Oan Hamutuk 794 Servisu Iha Australia
Naunil Média (Díli),Sekretáriu Estadu Formasaun Profisionál no Empregu (SEFOPE), liu-husi diresaun Nasionál Empregu Exteriór (DNEE) prepara Traballador Timor oan hamutuk 794, liu-husi teste eskrita etapa dahuluk ba programa Pacific Labour Scheme (PLS)
Tanba hanesan faze preparasaun nune’e enkamina ba iha lista work ready pool, kandidatu traballadór hirak ne’ebé Pasa iha teste hein, bainhira empregadór presiza Kandidatu hirak ne’e, desloka kedas ba Australia hodi hala’o servisu iha kompaña refere.
Tuir Diretor Diresaun Nasionál Empregu Exteriór (DNEE), Filomeno Soares hateten, bainhira konkorete hirak ne’ebé pasa iha teste hodi prienxe ba sistema Work Ready Pool, maibe seidauk bele ba servisu iha Australia, wainhira seidauk komfirmadu husi kompaña Australia.
“Agora daudaun ne’e, ita fó teste ba sira para bele tama iha sistema Work Ready Pool la signifika sira liu atu ba Australia, sistema Work Ready Pool ida uluk ita prepara ne’e ba Seasonal Worker Program ida ne’ebe, nia kontratu fulan 5 to’o fulan 9 mas agora ita prepara Seasonal Worker Program nia kontratu ne’e minimu tinan 1 maximu tinan 3 iha Australia husu kandidatu sira tenki preparadu.
Aplikasaun ne’e simplesmente prepara sira hodi bele ba iha sistema Work Ready Pool ba programa Pacific Labour Scheme (PLS) hodi fó resposta ba demanda ne’ebé iha, nune’e maka ekipa sira hamutuk halo preparasaun ba sira iha faze teste lingua englesa eskrita ninian, hafoin sei iha teste oral ba Kandidatu traballador,”dehan Director DNEE ba jornalista sira iha salaun sentru treinamentu Vokasional juventude Camea (STVC), Tersa, (15/02).
Diretor hatutan, Kandidatu traballador hirak ne’e, selesaun remata prienxe ona iha sistema refere nune’e, parte relevante sei halo promosaun ba adidu iha Australia, empregador presiza maka bele haruka sira ba servisu iha fatin destinadu.
“Wainhira Sira tama iha sistema ita halo promosaun ba ita-nia tim adidu traballu iha Australia ne’eba, depois sira halo marketing ba kompaña sira atu nu’une karik sira presiza ida ne’e ita oferese wainhira empregador sira presiza. Ba kandidatu traballador sira ne’ebé tuir teste refere, husi sira-nia esforsu maka bele sai vensedor hodi bele ba servisu nune’e dezisaun positivu ka negativu depende ba ida-idak nia esforsu.
Ita bo.ot sira fiar an ba, mezmu ho kompetisaun ne’ebé bo’ot, maibé sei hetan oportunidade ida ne’e, hakaas an ba desizaun atu liu ka la liu iha ita bo’ot sira nia liman rasik, ami fasilita de’it ita bo’ot sira,” nia esplika.
Iha fatin hanesan, Kandidatu traballador Australia, Alexandrinho Duarte informa, ho teste eskrita sira garante 100%, tamba sira mai ho preparadu.
“hau agradese ba governu nia programa ida ne’e, ita bele dehan bele hakmaan joven husi númeru dezempregu. Teste ha’u garante, tamba iha rekejitu ne’eba hateten, prioridade liu ba hirak ne’ebé maka tuir formasaun no ami sira ne’e, maioria husi sentru formasaun hotu”, kandidatura deklara.
Entretantu, aplikante hamutuk 4004 maka aplika liu-husi Gmail.com ka online, maibé iha prosesu selesaun dokumentus 794 maka pasa kompostu husi mane 517, no feto, 277 hirak ne’e maka prienxe rekejitus hodi tuir teste eskrita ba lian inglesh .Ana
