FEATUREDIkus LiuNewsPolitika

SEII Aloka Orsamentu $ 12.7 ba programa Igualidade Jéneru no Inkluzaun iha TL

Fahe Tutan

Naunil Media (Díli), Sekretaria Estadu Igualdade no Inkluzaun (SEII) aloka orsamentu $12.7 ba programa igualidade jéneru no inkluzaun sosiál iha Timor-Leste.

Tuir  Sekretaria Estadu Igualdade no Inkluzaun (SEII), Maria Jose Fonseca hateten, Timor-Leste iha ona komitmentu atu atinje igualdade jeneru ne’ebé mak sita iha konstituisaun no adopta ona liu-husi Lei ho norma sira hanesan baze fundamenta atu halais igualdade jéneru ho empoderamentu feto.

“Enkuantu alokasaun orsamentu sensivel jéneru integra tiha ona iha sistema Jestaun orsamentu públiku “dalan ba futuru” atu hasa’e transparansia, akontabilidade, efetividade no efisiensia iha Jestaun gastus públiku no fornese distribuisaun orsamentu públiku, ne’ebé mak justu ba feto no mane ho lina Ministeriu no Instituisaun Governu sira hotu, dehan Sekretaria Estadu Igualdade no Inkluzaun (SEII), Maria Jose Fonseca ba jornalista sira iha Timor-Plaza Comoro, kinta (17/02).

Nia hatutan, Iha tinan 2018 TOMAK ho UN women servisu hamutuk ho SEII halo ona peskiza ida kona-ba Avaliasaun jeneru iha fatin merkadu  iha munisípiu rua, Baucau ho Bobonaru.

Avaliasaun ne’e identifika prioridade tolu mak sai hanesan preokupasaun ba vendedor feto sira, no prioridade ne’e mak hanesan, asesu ba sentina no bee- moos, jestaun lixu no Jestaun fatin merkadu no kontrola fatin, dehan nia.

“Entaun  ida ne’e hatudu katak, presiza iha alokasaun Orsamentu adekuadu no sensivel ba jéneru hodi hadia situasaun merkadu no fatin públiku sira ne’ebé kestiona”, katak nia.

Iha fatin hanesan, Prezidente Autoridade Munisípal (PAM) Baucau, Olivio Freitas hateten, Iha tinan 2019 UN Women no TOMAK kolabora hodi fó apoiu ba Administrasaun munisípal baucau iha politika, orsamentu no kapasitasaun ne’ebé responsive,  ba jéneru iha Administrasaun munisípal liu-husi inisiativa baucau seguru no merkadu seguru.

“Dadaun ne’e Vendedores sira sei uja hela merkadu ki’ik iha dalan-dalan  hodi faan sasan, bainhira merkadu foun ne’e remata mak foin muda Vendedores sira ne’e ba faan iha laran atu nu’une bele seguru Liu tan”.

Entretantu uma merkadu Seguru Villa nova Baucau ne’ebe governu harii dadauk ne’e tuir observasaun sufisiente ba vendedores sira hotu hodi hala’o negosiu ho seguru. LTS

Leave a Reply

Your email address will not be published. Required fields are marked *