Kandidatura PR “ Lere Anan Timur Sei La Sai Opozisaun Ba Governu”
Naunil Média (Díli), Kandidatu Prezidente da Repúblika Periodu Tinan 2022-2027, Jenerál Lere Anan Timur, Informa, Eleitu ba Prezidente da Repúblika sei la sai opozisaun ba Governu, tenke apoia hot-hotu liu-liu ba orgaun soberania tolu.
“ Hau ukun la’os atu sai opozisaun ba ema ida nen governu, Maibé hau tenke fó hau nia apoia ba hot-hotu ba ita nia governu li-liu ba orgaun soberania tolu, atu ida-idak bele kumpri nia kana’ar didi’ak , Hau sei hase sira bainhira la’o sala dalan ne’e mak dever Prezidente Repúblika nian.” Haktuir Jenrál, Lere Anan Timur, Hafoin hasoru malu ho apoiantes sira, Iha Munisípiu Bobonaro, Kuarta, (16/02.
Lere haktuir, Labele sai hanesan maun bo’ot sira troka ba mai sai fali opozisaun ba Governu.
“ Labele sai hanesan maun bo’ot sira sai opozisaun ba governu, sai opozisaun ba sira ho sira, ida ne’e mak hau lakohi, Maibe tenke hamutuk halo dialogu, hodi hateke ba oin.” Hakutuir Lere.
Ex. Tenente Jenerál mos hateten katak, Lider rezistensia sira ne’ebé sei moris nafatin konsidera sira.
“ Ita hotu hatene maun ita nia bo’ot sira sei moris hau sei konsidera nafatin sira, Hau nia aman, maun nafatin, Hau labele bolu sira hau, Hau nia gabinete, Hau mak sei ba sira nia uma, Ne’e kultura aman labele sai fali oan oan labele sai fali aman, Tanba ne’e hau konsidera nafatin sira nain tolu, Xanana, Ramos, Alkateri, Hau nia aman mestri lider, Hau fiar sira.” Haktuir Jenerál Lere Anan Timur.
Kandidatu Prezidente Republika ho númeru sorteiu 8 ne’e hatutan, Imi la apoia no la tuir sira nia programa, Atu sai Prezidente da Repúblika maibé nu’udar imi nia aman tenke konsidera nafatin sira.
Ikus liu Lere hateten, Nia riku mak atu servi, Durante servi estadu durante tinan 40 resin ona, Iha mundu nu’udar sidadaun iha dever rua de’it servi nasaun estadu no Familia.Latu
