Kandidatura PR Lere Anan Timur, Vizita Uma Lisan Liurai Ambeno

Naunil Media (RAEOA), Sabadu (19/02), hala’o vizita ba Rejiaun Espesial Oe-Cusse Ambeno hodi hasoru malu ho estrutura ne’ebe estabelese ona. Kandidatura Prezidente da Republika Jeneral Lere Anan Timur. 

Remata aktividade hasoru malu ho estrutura sira iha nivel aldeia, Suku to’o postu, Kandidatura Jeneral Lere Anan Timur, Enkora estrutura sira atu servisu ho domin, konsiensia no edukativu.

Nune’e Iha Domingo (20/02), Kandidatura Jeneral Lere Anan Timur, Pastisipa missa ho sarani Katolika sira iha Paroquia, Saun Miguel Arcanjo de Piedade. 

Remata missa Kandidatura Prezidente da Republika Jeneral Lere Anan Timur, Hala’o kedas viazen ba Uma lisan liurai, Uma lisan hamahan a’an hosi suku 18.

Tuir historia uma lisan liurai ne’e mos hanesan kapela dahuluk ne’ebe eziste iha Timor-Leste iha tempu pasadu. 

Uma lisan liurai hamahan hosi suku 18, Ne’ebe eziste iha RAEOA.

Vizita Lere Anan Timur ne’e atu husu matak malirin, Nune’e haraik nafatin kibi’it no forsa hodi hala’o aktividade kampanha Eleitoral  ne’e sei realiza iha tempu badak ne’e.

Iha vizita ne’e mos atu husu lisensa  durante aktividade ne’ebe hala’o ona, Nune’e mos ba kamapanha ne’ebe sei realiza iha RAEOA.

Depois de vizita uma lisan liurai, Kandidatura PR, Lere Anan Timur, hala’o kedas vizita ba semiteriu, Aldeia Pune, Suku, Usi Usitasa’e, hodi sunu lilin no tau afunan ba rate matebian, Liurai Ambeno Veon Sila.

Nune’e Jeneral Lere Anan Timur, haka’at liu kedas ba sunu lilin no tau ai funan ba rate matebian nain Ha’at iha Taeboko, ne’ebe tropas Indonesia sira oho iha tinan 1999.

Kandidatura ho numeru sorteiu 8, ne’e mos ba vizita kapela Santo Antonio Nispeno, hasa’e orasaun no sunu lilin. 

Durante iha aktividade kandidatura Prezidente da Republika, Lere Anan Timur ne’e, Akompanha hosi, Kordenador Jeneral RAEOA, Antonio Lelan, Responsavel Sagrada Familia, Silvestre Sila Teme, Lian nain.

Iha aktividade ne’e hetan seguransa maximu hosi Polisia Nasional Timor-Leste (PNTL),  RAEOA.  Latu