CI Lansa Matadalan Reportájen Eleitorál ba Jornalista
Naunil Media (Díli), Prezidente Interinu Conselho de Imprensa de Timor-Leste (CI-TL) Expedito Loro Dias Ximenes informa, Ohin conselho de imprensa servisu hamutuk ho Ajénsia Programa Nasoes Unidas ba Dezenvolvimentu (PNUD/UNDP) hodi halo lasamentu matadalan reportajen eleitorál ba jornalista no meius komunikasaun sosial sira.
“Ohin ita fó hanoin ba malu kona-bá matadalan reportajen eleitorál prezidensiál ba jornalista sira, conselho imprensa servisu hamutuk ho Ajénsia Programa Nasoes Unidas ba Dezenvolvimentu (PNUD/UNDP) prepara, ita hatene katak media no jornalista ita iha ona kode etika jornalista, hodi produz obra jornalistika ne’ebé mak lor-loron ita hala’o hela, maibé ho situasaun polítka iha ita nia rai laran presiza matadalan ida hodi regula ita”, dehan Prezidente Intirinu Conselho de Imprensa de Timor-Leste (CI-TL) Expedito Loro Dias Ximenes ba jornalista sira hafoin abertuta ba lasamentu matadalan reportajen eleisaun ba jornalista no meius komunikasaun sosial sira iha Salaun CI Quintal boot, tersa (22/02).
Nia hatutan, Nune’e labele iha informasaun ne’ebé hoas ka informasaun ne’ebé lalos, informasaun ne’ebé bazeia de’it ba isu, informasaun ne’ebé bazeia ba rumoris, hanesan ema profisional ne’ebé mak sidadaun sira fó fiar atu fó sai informasaun ne’ebé konstrutivu, edukativu, paz ba ita nia nasaun Timor-Leste.
“Matadalan ida ne’e ho pontus hamutuk 14 iha pontus balu esplika kona-bá, saida mak ita bele halo, saida mak ajente estadu bele halo mai ita, ita hotu hatene situasaun ida agora ho konkorente eleisaun prezidensiál iha 16, ho ninia apoiantes oin-oin, ho forsa polítika oin-oin ne’e bele mosu konflitu balu, presiza ita nudar ema informador ida fó informasaun ida ne’ebé mak konstrutivu, edukativu kria paz iha sosiedade nia let”, katak nia.
Nai dehan, Hanesan media nain, xefí redasaun, editór no jornalista sira, asosiasun jornalista, sevisu hamutuk nafatin ho conselho imprensa hodi fó hanoin ba malu liga ba servisu nudar jornalista nian. Lop
