CI-UNDP Produz Matadalan ba Jornalista Kobertura Bazeia ba Jéneru
Naunil Media (Díli), Conselho de imprensa de Timor-Leste (CI-TL) servisu hamutuk ho programa Nasoens Unidas ba Dezenvolvimentu (UNDP sigla ingles), produz validasaun matadalan ba jornalista kona-bá kobertura violensia bazea ba jéneru.
Tuir Diretór ezekutivu CI Rigoberto Monteiro informa, validasaun ne’e hotu ami kontinua hakerek modelu livru kiik ida, handsbook no buat ne’e ema bolu buku saku, para depois sai matadalan ba jornalista sira atu uza bainhira halo reportajen kona-bá asuntu violensia bazea ba jéneru.
“Iha semana kotuk CI lansa plenaria matadalan ba eleisaun prezidensiál ninian, maibé peskiza kontinua atu bele hakerek dokumentu ida ne’ebé fiksu, agora ida ne’e prosesu ba dokumentu final, no dokumentu final ne’e sai ona Gia ba matadalan nasionál”, dehan Diretór ezekutivu CI Rigoberto Monteiro bá jornalista sira iha Salaun CI Quintal Boot, kinta (24/02).
Nia afirma, Halo di’ak liu tan matadalan ne’ebé CI atu produz hodi Gia Jornalista bainhira Jornalista sira hakerek kona-bá asuntu violensia bazea ba jéneru.
” Espera katak ita bele halo peskiza di’ak liu tan, para depois bele kontribui ba dokumentus ida ne’ebé los no di’ak ba ita iha futuru”, katak nia.
Iha sorin seluk hanesan project menejer spotlight UNDP ba Timor-leste Livio Soares katak, UNDP nia kooperasaun ho CI ne’e oinsá mak partisipasaun husi jornalista sira foka mós kestaun sira ne’ebé spotlight news, nia programa hanesan reduz ka elimina violensia hasoru feto no labarik feto iha Timor-Leste, no ida ne’e sai preukupasaun bo’ot ba instituisaun tomak iha Timor-Leste.
“Jornalista ka media mosu ne’e hanesan pilares ida ne’ebé importante teb-tebes, ho nune’e oinsá ita bo’ot sira nia partisipasaun hodi uza termus sira ne’ebé bele ho lolos, no labele hakanek ka rezulta halo laran moras ba ita nia sobrevivente sira”, dehan nia.
Entaun ho opjetivu ida ne’e mak ita servisu hamutuk ho CI para atu hamosu matadalan nasionál ida, para sai hanesan living dokumentu ida para hodi bele halo servisu ne’ebé bazea ba matadalan ne’ebé ita konkorda hamutuk, nia haktuir.
Entretantu membru CI Francisco Belo haktuir, iha tinan ida liu ba ekipa ida ne’ebé apoiu husi UNDP, kolaborasaun ho CI hodi halo peskiza ba iha munisípiu hotu-hotu kona-bá oinsá mak atu produz matadalan ida ba reportajen baazea ba jéneru.
Entaun peskiza ne’e halo hodi halo intervista ho ema oin-oin hanesan jornalista no líder komunitariu sira, no ohin ita halo valida esbosu matadalan ida ne’e, ne’ebé bainhira ita valida ona mak ba oin ita sei uza hanesan matadalan ba reportajen bazea ba sensivel jéneru nian, nia hakotu. LTS
