FEATUREDIkus LiuNewsPolitika

CNE Halo Hela Verifikasaun Kalendariu Kampaña Ba Kandidatu El-PRE 2022

Fahe Tutan

Naunil Média (Díli),  Prezidente Komisaun Nasionál Eleisoens (CNE), José Agostinho Belo, Informa, Dadaun ne’e CNE sei halo hela verifikasaun kalendariu kampaña ba kandidatu Prezidente da Repúblika ba kampaña  Eleisaun Presidensial (EL-PRE) ba periodu 2022 nian.

“ Horseik loron ikus kuaze maioria sira hatama hotu kedas ona, agora ami verifika dadauk no hare’e kalendáriu sira ne’ebé iha soke malu ka data ho fatin ne’ebé hanesan ami sei hare’e hela ikus iha loron 26, sei konvida bele finaliza ida ne’e hamutuk ho reprezentante kandidatu sira atu nune’e hot-hotu tenki la’o tuir regras no tuir data ka fatin ne’ebé fixu  hodi bele kampaña ho di’ak,” Dehan Prezidente CNE, Jose Agustinho Belo, ba Jornalista iha rezidensia,  Primeiru Ministru (PM), Farol, kinta(24/02).

Nune’e Presidente CNE, hateten, kandidatu  hot-hotu tenke la’o tuir regras  no tuir data ka fatin ne’ebé mak fixu hodi halo kampaña ho di’ak.

“ Iha Dili kandadutura sira barak mak hatama orariu iha fatin no loron ne’ebé hanesan tanba ne’e mak presiza reprezentante kandidatu sira atu bele deskute, sela’e iha solusaun sei halo sorteiu ba fatin no orariu atu nune’e justu liu ba sira hot-hotu.” Tenik Prezidente CNE.

Nune’e iha loron (25/02), CNE sei bolu kandidatura ho nia reprezenta sira atu deskute kona-ba Aprovasaun buletin de votus bainhira deside aprova sei haruka kedas ba Institutu Públiku Gráfika Nasionál atu hahú imprime buletin. LTS

Leave a Reply

Your email address will not be published. Required fields are marked *